Hewlêr (Rûdaw) - Li navçeya Çîneyê ya parêzgeha Aydinê kamyoneta ku dînamît hilgirtibûn wergeriya û dînamît li ser cadeyê belav bûn.
Dîmanît bi awayekî plankirî ji aliyê cendirme û polîsan ve hatin teqandin û di encamê de 10 kes birîndar bûn.
Bûyer şeva borî li navçeya Çîne ya Aydinê qewimî.
Ji birîndaran 2 leşker in û yek jî polîs e.
Parêzgarê Aydinê Yakup Canbolat derbarê bûyerê got:
“Tîmên cendirme û ewlehiyê yên çûn cihê bûyerê û dinamîtên li ser rê belav bûbûn bi awayekî plankirî teqandine û di encamê de 10 kes birîndar bûn.”
Yakup Canbolat her wiha da zanîn ku tîmên tenduristiyê birîndar veguhastin nexweşxaneyê.
Bi gotina Canbolat rewşa birîndaran baş e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse