DEM Partî dê biçe serdana Demîrtaş û Yuksekdagê

Hewlêr (Rûdaw) - DEM Partiyê ragihand ku dê sibe berpirsên wan biçin serdana Selahattîn Demîrtaş û Fîgen Yuksekdagê.

Partiya Gelan a Wekhevî û Demokrasiyê (DEM Partî) bi daxuyaniyekê ragihand ku Hevseroka Giştî Tulay Hatimogullari û Parlamenterê Stenbolê Cengîz Çîçek dê li Girtîgeha Edîrneyê biçin serdana Selahattîn Demîrtaş.

Her wiha Parlamentera Erziromê Meral Daniş Beştaş jî dê li Girtîgeha Kandirayê biçe serdana Fîgen Yuksekdagê.

Hat diyarkirin ku piştî serdana Demîrtaş şande dê saet 14:00an li ber girtîgehê daxuyaniyekê bide çapemeniyê û Meral Daniş Beştaş jî dê piştî serdana xwe saet 15:00an daxuyaniyekê bide.

Dadgeha Mafên Mirovan a Ewropayê (DMME) doh îtiraza Tirkiyeyê ya derbarê biryara ji bo Demîrtaş red kiribû û piştî vê biryarê tê payîn ku Demîrtaş bê berdan.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger