Hewlêr (Rûdaw) - Parlamenterê Partiya Kedê (EMEP) yê Stenbolê Îskender Bayhan got, “Divê Komîsyon bi Ocalan re jî bicive ku desthilata Koşkê û nûnerên dewletê wî wekî mixatabê fiîlî dibînin.”
Îskender Bayhan got, “Pêwîst e Komîsyon demildest vê yekê bixe rojeva xwe, beşdar, dem û naveroka wê gotûbêj bike û bigihîje encamekê.”
Parlamenterê EMEPê yê Stenbolê Îskender Bayhan li ser pêşhatên dawî yên pêvajoya çareseriyê û Komîsyonê daxuyaniyeke nivîskî belav kir.
Bayhan diyar kir ku ji bo bêdengbûna çekan û bidawîhatina pevçûnan divê gavên şênber bên avêtin.
Siyasetmedar Bayhan anî zimên ku ew di her derfetê de girîngiya bêdengbûna çekan, rawestandina pevçûnan û çareserkirina pirsgirêkê bi rêya diyalogê tînin zimên û wiha pê de çû:
“Em bi israr dibêjin ku divê desthilata yek-kesî gavên şênber ên ku di vî warî de bên avêtin, bixe rojeva Komîsyonê.
Divê Komîsyon bi Ocalan re jî bicive ku desthilata Koşkê û nûnerên dewletê di pratîkê de wî wekî mixatab dibînin.
Lê belê ev mijar heta niha nehatiye rojeva Komîsyonê. Pêwîst e Komîsyon bi lez vê yekê bixe rojeva xwe, beşdar, dem û naveroka wê gotûbêj bike û bigihîje encamekê.
Helbet girîng e ku Serokê Komîsyonê Numan Kurtulmuş di vî warî de berpirsyariyê bigire ser milê xwe. Lê belê divê biryarê ne Kurtulmuş Komîsyon bi xwe bide.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse