Li Kocaeliyê avahiyeke 7 qatî rûxiya

Hewlêr (Rûdaw) - Li navçeya Gebzeyê ya parêzgeha Kocaeliyê ya Tirkiyeyê avahiyeke 7 qatî ji ber sedemeke nediyar rûxiya.

Li ser agahdarkirinê gelek polîs, tîmên agirvemirandinê û tîmên tenduristiyê çûn cihê bûyerê.

Hat zanîn ku ev avahî li herêma ku lê xebatên avakirina metroyê hene cih digire û hinek kes tê de dijîn.

Xebatên tîman ên li herêmê berdewam dikin.

Wezîrê Karên Navxwe yê Tirkiyeyê Alî Yerlîkaya ragihand ku li gorî nirxandinên wan 5 kes di bin kavilan de mane.

Alî Yerlîkaya her wiha daxuyand ku avahî ji ber xwe ve rûxiyaye.

#WÊNE - Li Kocaeliyê avahiyeke 7 qatî rûxiya

🛑 Nûçegihanê Rûdawê Omer Sonmez ji cihê bûyerê da zanîn ku Levent Bîlîr, hevjîna wî Emîne Bîlîr û zarokên wan Nîsa, Dîlara û Muhammed di bin kavilan de mane

🛑 Zarok 15, 16 û 18 salî ne

🛑 Xebatên lêgerîn û rizgarkirinê didomin… pic.twitter.com/9jYD8p0AGo

— RudawKurdi (@RudawKurdi) October 29, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger