Hewlêr (Rûdaw) - Li Tirkiye û Bakurê Kurdistanê hinek kesan forma û cilên sexte yên Amedsporê çêkirine û li ser malpera danûstandinê ya Trendyolê difiroşin.
Amedspora ku di Koma Sor a Lîga 2yemîn a Federasyona Futbolê ya Tirkiyeyê (TFF) de têdikoşe vê hefteyê di maça dawî ya lîgê de dê bi Menemensporê re bilîze.
Eger Amedspor têk neçe, bi îhtimaleke mezin dê bibe şampiyon û derbasî Lîga 1emîn a TFFyê bibe.
Li aliyê din, yek ji dahatên herî girîng ên Amedsporê firotina forma û cilên tîmê ne û alîgir jî piştgiriyeke zêde didinê.
Hinek kesan dest bi sextekariyê kiriye û forma û cilên sexte yên Amedsporê çêkirine.
Kesên berhemên sexte çêkirine navê “Amed Store” teqlîd kiriye û li ser malpera danûstandinê ya Trendyolê difiroşin.
Ew wan forma û cilan wekî ku yên fermî û eslî bin difiroşin.
Navnîşana şandina forma û cilan jî li ser Trendyolê li parêzgeha Erziromê ya Bakurê Kurdistanê hatiye diyarkirin.
Hinek alîgirên Amedsporê derbarê sextekariyê de li ser medyaya civakî rêveberiya Amedsporê hişyar kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse