Hewlêr (Rûdaw) - Li bajarê Bokanê bi beşdariya 20 werzişvanên ji Îran û Rojhilatê Kurdistanê Pêşbirka Hêza Zendan a Jinan hat lidarxistin.
Di pêşbirkê de zarok û mezin beşdar bûn û werzişvanan carekê bi destê rastê û carekê jî bi destê çepê pêşbirk kir.
Welatiyekê ji Rûdawê re ragihand:
"Ev pêşbirk bi armanca bilindkirina asta amadehiya werzişvanên jin a di werzişa hêza zendan de û destnîşankirina baş ên sereke yên bajêr tê lidarxistin."
Pêşbirk bi hevkariya Beşa Werziş û Ciwanan, Desteya Leşciwaniyê ya Bokanê û Navenda Pêşbirkên Werzişê ya Pedîdeyê hat lidarxistin.
Encamên pêşbirkê yên beşa zarokan wiha bûn:
Di 60 kîloyî de ji bo destê rastê: Nazî Rehîmî, Farniyaz Şêx Ezîzî û Seba Selîmpûr yekem, duyem û sêyem derketin.
Di 60 kîloyî de ji bo destê çepê: Nazî Rehîmî bû yekem.
Encamên beşa mezinan wiha bûn:
Di 60 kîloyî de ji bo destê rastê: Mîhreban Şerîfî bû yekem.
Di 80 kîloyî de ji bo destê rastê: Mehsûme Endan, Firîşte Pustî û Amîne Biyabanî yekem, duyem û sêyem derketin.
Di 90 kîloyî de ji bo destê rastê: Perwane Kadron bû yekem û Aştî Çukelî bû duyem.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse