Li paytexta Venezuelayê dengê teqînan hat bihîstin: Elektrîk qut bû

Hewlêr (Rûdaw) - Dengê çend teqînan li Caracasa paytexta Venezuelayê hat bihîstin.

Beriya vê sibehê bi dema Venezuelayê, dengê zincîreyek teqînên bihêz ligel dengê firîna balafiran li esmanê Caracas a paytext hat bihîstin, vê yekê tirs û dilgiraniya di nav şêniyên bajêr de çêkir.

Îro demjimêr 02:00yê beriya sibehê bi dema Caracasê (demjimêr 09:00ê sibehê bi dema Hewlêrê) dengê gelek teqînên li pey hev paytext Caracas hejand û dengê bilind li piraniya taxên bajêr hat bihîstin.

#VÎDEO - Li paytexta Venezuelayê dengê teqînan tê bihîstin

🔴 Li Caracasa paytexta Venezuelayê dengê teqînan tê bihîstin lê heta niha ne diyar e ku teqîn êrişên Amerîkayê ne yan na#Venezuela #Caracas pic.twitter.com/g0HxiSP9tm

— RudawKurdi (@RudawKurdi) January 3, 2026

Ji ber teqînan li beşa başûrê bajêr ku baregeheke leşkerî ya mezin lê ye, karebaya niştimanî qut bûye.

Şêniyên Caracasê dibêjin, wan herî kêm dengê 7 teqînên mezin bihîstiye ku hevdem li gel dengê balafiran bûye ku li asmanê paytext nizm difiriyan.

#VÎDEO - Li Caracasa paytexta Venezuelayê dengê teqînan hat bihîstin

🔴 Di dema teqînên li Caracasê de tê dîtin ku helîkopter û balafir nizm difirin#Caracas #Venezuela pic.twitter.com/Ob7GWfcqqf

— RudawKurdi (@RudawKurdi) January 3, 2026

Gelek dîmenên vîdeoyî li ser torên medyaya civakî belav bûn ku ew kêlî tomar kirine dema ku teqîn li asmanê bajêr ronahiyê çêdikin û dengvedaneke wan a bihêz heye.

Ev rewş di demekê de ye ku hikûmeta Amerîkayê hêzeke deryayî ya mezin wekî beşek ji operasyona li dijî madeyên hişber şandiye Deryaya Karayîbê û çend caran amaje bi wê yekê kiriye ku hemû vebijêrkên ji bo danûstandina bi krîza Venezuelayê re li ser maseyê ne.

#VÎDEO - Caracasa paytexta Venezuelayê dişewite

🔴 Ji navenda Caracasa paytexta Venezuelayê dengê teqînan tê bihîstin û dûxan bilind dibe

🔴 Sedema teqînan û dûxanê heta niha bi fermî nehatiye diyarkirin#Venezuela #Caracas pic.twitter.com/TeQ0RBiXuP

— RudawKurdi (@RudawKurdi) January 3, 2026

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger