Hewlêr (Rûdaw) - Li bajarê Passau yê eyaleta Bavyerayê ya Almanyayê, şofêrekî bi otomobîla xwe da nav xelkê û di encamê de gelek kes birîndar bûn.
Bûyer li başûrê stasyona trênê ya sereke ya Passau qewimî.
Polîsên bajêr derbarê bûyerê daxuyanî da û ragihand ku otomobîleke bi marka Mercedes ji nişka ve daye nava girseya xelkê.
Li gorî daxuyaniyê şoferê 48 salî li cihê bûyerê hatiye desteserkirin û di nav birîndaran de hevjîna wî ya 38 salî û keça wî ya 5 salî jî hene.
Polîsên bajêr diyar kir ku tîmên tenduristiyê herî kêm 5 kes veguhastine nexweşxaneyê û rewşa 3 kesan giran e.
Sedema bûyerê hîn zelal nebûye û lêpirsîn bi awayekî berfireh berdewam dike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse