Hewlêr (Rûdaw) - Li bakurê Mexribê du avahî rûxiyan û karesatekê rû da.
Di bûyerê de herî kêm 19 kes mirin û 16 kes jî birîndar bûn.
Bûyer îro saetên serê sibehê li Taxa El-Mesîreyê ya bajarê Fesê qewimî.
Li gorî Ajansa Nûçeyan a Mexribê (MAP), du avahiyên çarqatî yên ku li kêleka hev bûn rûxiyane.
Hat diyarkirin ku li wan avahiyan 8 malbat dijiyan.
"Xaniyên derdorê hatin valakirin"
Tîmên hawarçûnê birîndar veguhastin nexweşxaneyan û xebatên lêgerîn û rizgarkirinê li cihê bûyerê berdewam dikin.
Hêzên ewlehiyê ji bo tedbîrê xaniyên li derdorê vala kirin.
Heta niha derbarê sedema hilweşîna avahiyan de ti daxuyanî nehatiye dayîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse