Cîhan
Lehiyeke ku 2022yan li Kinhasaya paytexta Komara Demokratîk a Kongoyê rabûye / Wêne: Reuters-Arşîv
Hewlêr (Rûdaw) - Li Komara Demokratîk a Kongoyê 62 kes ji ber lehiyê mirin.
Li herêma Fiziyê ya eyaleta Kivuya Başûr a li rojhilatê Komara Demokratîk a Kongoyê ji ber barana zêde lehî rabû.
Li gorî tesbîtên destpêkê di lehiyê de 62 kes mirine û 30 kes jî birîndar bûne.
Li gorî daxuyaniya Parêzgariya Eyaleta Kivuya Başûr, piştî baranên zêde yên li Fiziyê, Gola Tanganyikayê û çend çemên derdora di ser ve çûne û gundê Kasabayê di bin avê de maye.
Di daxuyaniyê de hat diyarkirin ku di lehiyê de 62 mirine, 30 kes birîndar bûne û gelek kes jî winda ne.
Hat destnîşankirin ku xebatên lêgerîn û rizgarkirinê li herêmê berdewam dikin û bobelata lehiyê bûye sedema zerereke madî ya mezin.
Her wiha gelek erdên çandiniyê ji holê rabûne û çalakiyên perwerdeyê rawestiyane.
Her sal li Komara Demokratîk a Kongoyê gelek caran lehî radibin û gelek caran dibin sedema mirina mirovan û ajelan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse