Îsmaîl Kamîl: Mafê me jî heye em welat û dewleta xwe ava bikin

Hewlêr (Rûdaw)  - Serokê Konfederasyona Revenda Kurdistanî Îsmaîl Kamîl got, “Gelekî girîng e ku em ji Ewropayiyan û cîhanê re bibêjin ku mafê me jî heye em welat û dewleta xwe ava bikin.”

Îro li Tiflîsa paytexta Gurcistanê 2yemîn Konferansa Kurdên Qefqasyayê tê lidarxistin.

Konferans bi sernavê "Rola Kurdên Qefqasyayê di Pêvajoya Netewebûnê de" ye û ji 20 welatên cîhanê zêdetirî 100 kesî beşdarî konferansê dibin.

Serokê Konfederasyona Revenda Kurdistanî Îsmaîl Kamîl bû mêhvanê bultena Nûrojê ya Rûdawê bû û li ser mijarê agahî da.

Îsmaîl Kamîl bal kişand ser hejmara Kurdên li Diyasporayê û got, "Li diyasporayê 4-5 milyon Kurd hene."

"Gelekî girîng e…”

Wî bal kişand ser girîngiya pêwendiyên dîplomatîk kir û diyar kir:

"Gelekî girîng e ku em ji Ewropayiyan û cîhanê re bibêjin ku mafê me jî heye em welat û dewleta xwe ava bikin."

Serokê Konfederasyona Revenda Kurdistanî hêviya xwe ya ji bo Rojavayê Kurdistanê jî anî ziman û got, "Em hêvîdar in ku Rojavayê Kurdistanê jî serbixwe bibe."

Îsmaîl Kamîl banga yekîtiyê li Kurdan kir û anî ziman, "Divê em nakokiyên xwe dûr ji meseleya Kurdan bihêlin."

Wî destnîşan kir ku parçebûn û nakokiyên navxweyî her dem ji bo bipêşketina doza Kurdan bûne asteng û yekrêzî ji bo serkeftinê pêwîst e û got, “Kurdistanî roj bi roj li dora me kom dibin.”

#VÎDEO - Îsmaîl Kamîl: Mafê me jî heye em welat û dewleta xwe ava bikin

📕 Konferansa Kurdên Qefqasyayê li Tiflîsa paytexta Gurcistanê tê lidarxistin

🗨️ Serokê Konfederasyona Revenda Kurdistanî Îsmaîl Kamîl: Nabe ku di mijarên neteweyî de nakokiyên me hebin

🗨️ Kurdistanî roj… pic.twitter.com/fOWdYOLzwC

— RudawKurdi (@RudawKurdi) October 19, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger