Tom Barrack û Serok Barzanî axivîn: Divê alîkarî here Kobaniyê

Hewlêr (Rûdaw) - Tom Barrack ragihand ku wî bi Serok Mesûd Barzanî re pêwendiyeke telefonî pêk aniye.

Di peywendiyê de rewşa Sûriyeyê, alîkariya ji bo Kobaniyê û pêkhateya hikûmeta Îraqê hatin gotûbêjkirin.

Nûnerê Amerîkayê yê Kar û Barên Sûriyeyê Tom Barrack li ser hesabê xwe yê Xê derbarê naveroka pêwendiya xwe ya bi Serok Barzanî re daxuyaniyek belav kir.

Barrack diyar kir, "Min îşev bi Cenabê Serok Mesûd Barzanî re pêwendiyeke telefonî ya berhemdar encam da" û da zanîn ku wan li ser rewşa Sûriyeyê û girîngiya parastina agirbestê nîqaş kiriye.

"Divê alîkarî bigihêje Kobaniyê"

Barrack di daxuyaniya xwe de teqezî li ser gihandina alîkariyên mirovî kir û got:

"Me li ser misogerkirina gihandina alîkariyên mirovî ji bo kesên hewcedar, bi taybetî li Kobaniyê, gotûbêj kir."

"Hikûmeteke ku Îran deyne bi ser nakeve"

Tom Barrack derbarê rewşa siyasî ya Îraqê de jî peyameke zelal da û got:

"Li ser Îraqê helwesta Amerîkayê zelal e: Hikûmeteke ku ji aliyê Îranê ve hatibe danîn dê bi ser nekeve.

Ev yek ne ji bo daxwazên Îraqî û Sûriyeyiyan ên ji bo paşerojeke geş û ne jî ji bo hevkariyeke bibandor a bi Amerîkayê re dê serkeftî be."

Productive phone call this evening with his excellency Masoud Barzani to discuss the situation in Syria and the importance of maintaining the ceasefire and ensuring humanitarian assistance to those in need, especially in Kobani. On Iraq, the U.S. position remains clear: a…

— Ambassador Tom Barrack (@USAMBTurkiye) January 26, 2026

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger