جیهان پێویستە تێبگات کە پاراستنی هەولێر و ماڵی سەرۆکی هەرێمی کوردستان، تەنیا پاراستنی جوگرافیایەک نییە، بەڵکو پاراستنی دوایین سەنگەری عەقڵانی و میانڕۆییە لە عێراق و رۆژهەڵاتی نێوەڕاستێکی پڕ لە جەنگ دا. ئەگەر ئەمڕۆ رێگری لەم "تیرۆرە سیاسییە" نەکرێت، سبەی هیچ پایتەختێکی ناوچەکە لە هەژموونی گرووپە سێبەرەکان پارێزراو نابێت.
لە ماوەی 10 رۆژی رابردوودا، رۆژهەڵاتی نێوەڕاست لە قۆناخی "شەڕی سێبەر" و "بەرەی بەوەکالەت"ـەوە چووە قۆناخی شەڕی راستەوخۆی وڵاتان. ئەمە گەورەترین و مەترسیدارترین پەرەسەندنی سەربازییە لە ناوچەکەدا لە دوای جەنگی کەنداوەوە. بۆ چەندین دەیەیە ململانێی نێوان ئێران و رکابەرەکانی تەنیا لە رێگەی گرووپە چەکدارەکان و ئۆپەراسیۆنی نهێنییەوە بووە، بەڵام لە ماوەی 10 رۆژی ئەو جەنگە نوێیەدا سنوورەکان شکێنراون و پایتەختەکان راستەوخۆ دەکرێنە ئامانج.
لە وڵاتە پێشکەوتووەکانی وەک ئەمریکا و ئەورووپا، گەورەترین شانازیی میدیاکان ئەوکاتەیە کە دەتوانن لە رێگەی رۆژنامەگەریی بنکۆڵکارییەوە پەردە لەسەر گەندەڵی لە کەرتی دەرمان یان خۆراک لابدەن. بۆ نموونە، کاتێک رۆژنامەی (واشنتن پۆست) یان (نیویۆرک تایمز) لێکۆڵینەوە لەسەر کۆمپانیایەکی گەورەی دەرمان دەکەن کە کاریگەرییە لاوەکییەکانی دەرمانەکەی شاردووەتەوە، نەک هەر بە دژە بەرژەوەندی خەڵک ناوزەد ناکرێن، بەڵکو خەڵاتی گەورەی میدیاییان پێدەبەخشرێت. میدیا بەوشێوەیە کاری خۆی دەکات، بە پاراستنی ژیانی خەڵک و ئاشکراکردنی راستییەکان.
پۆدکاست وەک بەشێکی گرنگی میدیای دیجیتاڵی لە گەشەکردنە خێراکەی بەردەوامە، لە سەرەتای ساڵی 2025 دا گەیشتووەتە قۆناخێکی نوێی فراوانبوون. نوێترین داتاکان، کە تاوەکو سەرەتای مانگی شوباتی 2025 بەردەستن، ئاماژە بەوە دەکەن؛ پۆدکاست نەوەک تەنیا خۆی وەک بەشێکی دانەبڕاوی میدیای دیجیتاڵی چەسپاندووە، بەڵکو وەک بوارێکی سەرەکیی گەشەسەندنی ئابووریش دەرکەوتووە، پێشبینی دەکرێت لە ماوەی ئەم ساڵ دا ژمارەی گوێگر و داهاتەکەی بە شێوەیەکی بەرچاو زیاد بکات.
دوای بۆردوومانەکانی ئەمریکا بۆ سەر بنکە ئەتۆمییەکانی ئێران، شەڕی نێوان کۆماری ئیسلامیی ئێران و ئیسرائیل گەیشتووەتە خاڵێکی وەرچەرخانی مەترسیدار، کە نەک هەر چارەنووسی هەردوو وڵات، بەڵکو ئارامی و سەقامگیریی تەواوی رۆژهەڵاتی نێوەڕاست و جیهانی خستووەتە بەردەم هەڕەشەیەکی راستەقینە. ئەو ململانێیەی کە بۆ ماوەی چوار دەیە لەژێر ناوی "شەڕی سێبەر"دا بەڕێوە دەچوو، ئێستا خەریکە پەردە لەسەر رووی خۆی لادەدات و جیهان بە نیگەرانییەکی قووڵەوە چاودێری دەکات. بۆ تێگەیشتن لە قووڵایی ئەم قەیرانە، پێویستە لە سێ رەهەندی سەرەکییەوە لێی بڕوانین، رەگ و ریشەی ململانێکە، هاوسەنگیی هێزی سەربازی و دۆخی ناوخۆیی، کاریگەرییە هەرێمی و نێودەوڵەتییەکان.
لە کاتێکدا کە زۆربەی دەزگا میدیاییەکانی ناوچەکە سەرقاڵی پێشبڕکێی سیاسی و کێبڕکێی ئایدیۆلۆژین، رووداو بایەخێکی تایبەتی بە کێشە کۆمەڵایەتی و ئابوورییەکانی خەڵک داوە. ئەم رووکردنە خەڵک و کێشەکانیان، وایکردووە رووداو ببێتە دەنگێک کە خەڵک پشتی پێببەستن
ئەو ژمارە زۆرەی گوێگر و بینەری پۆدکاستەکانی رووداو ئاماژەیە بۆ ئەوەی کە وەرگرەکانی تۆڕی میدیایی رووداو شایەنی ئەوەن باشترین بەرهەمیان پێشکیش بکرێت و لەگەڵ گۆڕانکارییە تەکنەلۆژییەکاندا بە زمانی کوردی و لە داهاتووشدا بە زمانەکانی دیکە ئاشنا بکرێن بە تازەترین پێشکەوتنەکان، رووداو هەمیشە بە یەکەمی دەمێنێتەوە، بۆ ئەوەی وەک میدیایەکی نیشتمانی هەموو زانیارییەکی نوێ لەگەڵ ئێوە بەش بکات.
مانگانە نزیکەی 40٪ی کەنەدییەکان کە تەمەنیان لە سەرووی 18 ساڵەوەیە، گوێ لە پۆدکاستەکان دەگرن. 49%ی ئیتاڵییەکان کە تەمەنیان 18 ساڵ بەسەرەوەیە، لە ساڵی رابردوودا گوێیان لە پۆدکاستێک گرتووە. دوای پۆدکاستە هەواڵییەکان، میوزیک و هونەر ژانری پەسندکراوی 45%ی گوێگرانی پۆدکاستن لە ئیتاڵیا.
لە 15-7-2023 ئێمە دەستپێدەکەین و لە رێگەی ماڵپەڕێکی تایبەت بە پۆدکاستەوە، کە دەبەسترێتەوە بە پلاتفۆرمە جیهانییەکانی پۆدکاست، هەروەها لە رادیۆی رووداویشەوە وەرزێکی تازەی جیاوازتان پێشکێش دەکەین، پۆدکاستەکانمان بە سەنگی کتێبن و پڕ زانیارین. کاریگەریی رادیۆی رووداو زیاتر و بەربڵاوتر دەبێت. دەرفەتی زیاتریش دەدەینە رۆشنبیرانی کوردستان.
