کۆشکی سەرۆکایەتیی کۆریای باشوور (کۆشکی شین) بە تووندی سەرکۆنەی هێرشکردنە سەر کەشتییەکی بازرگانیی وڵاتەکەی لە تەنگەی هورمز دەکات و رایدەگەیێنێت، چاوەڕێی ئەنجامی لێکۆڵینەوەکانن بۆ ئەوەی "وەڵامێکی تووندیان" هەبێت.
دۆناڵد ترەمپ کە ساڵی 2024 بە بەڵێنی ئابوورییەکی بەهێز و باشکردنی بژێوی ژیان گەڕایەوە کۆشکی سپی، ئێستا لەنێو "گێژاوی" جەنگی ئێران و گرانیی سووتەمەنیدا گیری خواردووە؛ راپرسییەکی نوێش دەریدەخات پێگەی ترەپم لەنێو دەنگدەراندا بەشێوەیەکی بەرچاو پاشەکشەی کردووە
لە نێوەندی پەرەسەندنی گرژییەکانی نێوان تاران و واشنتن، دۆناڵد ترەمپ روو لە بەیژینگ دەکات؛ چاوی جیهان لەسەر ئەوەیە ئایا چین گوشار دەخاتە سەر ئێران بۆ کۆتاییهێنان بە جەنگ و کردنەوەی تەنگەی هورمز، یان کارتە ئابوورییەکانی دژی ئەمریکا بەکاردەهێنێت
بەڕێوەبەری گشتیی رێکخراوی تەندروستیی جیهانی دەگاتە ئیسپانیا بۆ سەرپەرشتیکردنی پڕۆسەی گواستنەوەی سەرنشینانی کەشتییەک کە ڤایرۆسی "هانتا"ی تێدا بڵاوبووەتەوە. حکومەتی ئیسپانیاش دەڵێت، رێڕەوێکی جیاکراوە بۆ گواستنەوەی گەشتیاران بەرەو فڕۆکەخانە ئامادە کراوە
لە هێرشێکی ئاسمانیی سوپای ئیسرائیلدا بۆ سەر شاری غەززە، کوڕی یەکێک لە سەرکردە دیارەکانی بزووتنەوەی حەماس کوژرا.
راپۆرتێکی نوێی گۆڤاری (ئەتڵانتیک) پەردە لەسەر دیوی ناوەوەی ئەو کەسە لادەدات کە هەوڵی تیرۆرکردنی دۆناڵد ترەمپی دا و ئاشکرای دەکات، تۆمەتبارەکە لەژێر کاریگەریی قوڵی "ئەلگۆریزمەکانی رق" و سۆشیاڵ میدیادا بووە و ترەمپی وەک "دڕندە" و "سەرۆکی مافیا" بینیوە.
کۆمپانیای گواستنەوەی دەریایی (CMA CGM)ی فەرەنسایی رایگەیاند، یەکێک لە کەشتییە زەبەلاحەکانیان لە نێو تەنگەی هورمز هێرشی کراوەتە سەر. ئەم رووداوە تەنیا چەند کاژێرێک دوای ئەوە دێت کە دۆناڵد ترەمپ بڕیاریدا، پڕۆژەی پاسەوانیکردنی کەشتییەبازرگانییەکان کە بە "پڕۆژەی ئازادی" ناودەبرێ لە ناوچەکەدا رابگرێ
تەنیا دوو رۆژ دوای راگەیاندنی، دۆناڵد ترەمپ فەرمانی دا بە راگرتنی ئۆپەراسیۆنی (پڕۆژەی ئازادی) بۆ پاراستنی کەشتییەکان لە تەنگەی هورمز. ئەم بڕیارە وەک دەرفەتێک بۆ سەرخستنی گفتوگۆکانی ئاشتی لەگەڵ تاران دەبینرێ، دوای ئەوەی نێوەندگیرەکان ئاماژەیان بە "پێشکەوتنی باش" کردووە بۆ کۆتاییهێنان بە جەنگ لە رۆژهەڵاتی نێوەڕاست
فەرماندەیەکی پێشووی سوپای بەریتانیا دەڵێت، کوردستان تەنیا چەمکێکی جیۆپۆلیتیکی نییە، بەڵکو "دوورگەی سەقامگیرییە" لەنێو دەریایەکی پڕ لە ئاژاوەدا. ئەو داوا لە لەندەن دەکات پشتگیرییەکانی بۆ پێشمەرگە بەردەوام بکات، چونکە بە بڕوای ئەو "بەبێ کورد، پاراستنی بەرژەوەندییەکانی رۆژئاوا لە ناوچەکەدا مەحاڵە."
