دانیشتووانی گوندی تل گۆمەل لە سنووری ناحیەی کەلەکچی، نیگەرانن لە بڕیارێکی چۆڵکردنی خانووەکانیان کە بە بیانووی "زێدەڕۆیی بۆ سەر ناوچەی شوێنەواری" ئاراستەیان کراوە. بەڕێوەبەری ناحیەی کەلەکچییش دەڵێت، بڕیارەکە تەنیا ئەو دیوار و شوێنانە دەگرێتەوە کە تازە و بە شێوەی زێدەڕۆیی دروست کراون
بەڕێوەبەری گشتیی کشتوکاڵی هەولێر رایدەگەیێنێت، بارانبارینی ئەمساڵ بەتایبەت لە مانگی نیساندا، کوالێتی و بڕشتی گەنمی بە شێوەیەکی بەرچاو بەرزکردووەتەوە. هاوکات هۆشداریی تووند دەداتە جووتیاران و دەڵێت، هەر کەسێک پەرێز بسووتێنێت، بۆ ساڵی 2027 گەنمی لێ وەرناگیرێت
بەهۆی شەپۆلی بارانبارینی دوو رۆژی رابردوو، مەترسیی رۆچوون لەسەر رێگەی سەرەکیی گوندی قەمەریان لە سنووری قەزای خەلیفان دروستبوو؛ قایمقامی ناوچەکەش رایدەگەیێنێت، تیمەکانی چاککردنەوەی رێگاوبان کێشەکەیان بەشێوەیەکی کاتی چارەسەر کردووە
دانیشتووانی گوندێکی سنووری هەولێر گلهیی لە کەمیی خزمەتگوزارییەکان دەکەن و دەڵێن، رێگەوبانی گوندەکەیان وێرانە. قایمقامی قەزاکەش باس لەوە دەکات، بەهۆی دۆخی دارایی و نەبوونی بودجەوە، ناتوانن هیچ بەڵێنێکیان پێبدەن.
بەهۆی بارانبارین و لافاوەکانی ئەمساڵ و ساڵانی رابردوو، تۆڕی رێگەوبانی سنووری پارێزگای سلێمانی زیانی زۆری بەرکەوتووە. بەڕێوەبەری گشتیی رێگەوبانی سلێمانیش رایدەگەیێنێت، زیانە کەڵەکەبووەکان گەیشتوونەتە 10 ملیار دینار و پلانێکی نوێش بۆ نۆژەنکردنەوەی 49 پڕۆژە بە گوژمەی 19 ملیار دینار پەسندکراوە.
خێزانێکی خەڵکی قامشلۆی رۆژئاوای کوردستان، کە نیشتەجێی شاری دهۆکن، داوای ئاشکراکردنی چارەنووسی کوڕەکەیان دەکەن. گەنجەکە ناوی (مەسعود محەممەد عەلوان)ـە و تەمەنی 22 ساڵە، زیاتر لە ساڵێکە لەلایەن تورکیاوە رادەستی گروپە چەکدارەکانی سووریای ئازاد لە گرێ سپی کراوە و تاوەکو ئێستا هیچ هەواڵێکی نییە.
ژمارەیەکی زۆر لە پێشمەرگەکانی لیواکان و وەزارەتی پێشمەرگە و فەرمانبەران لە هەولێر گلەیی لە خزمەتگوزارییەکانی بانکی بەغداد دەکەن و دەڵێن، ئامێرەکانی راکێشانی پارە (ATM) زۆربەی کات چۆڵن و پارەیان تێدا نییە. تیمی "هەژماری من"یش رایدەگەیێنێت کە بەدواداچوونی ورد بۆ ئەو کێشەیە دەکەن و لەگەڵ بانکەکەدا کۆدەبنەوە.
خوێندکارانی سیستەمی پارالێڵ لە زانکۆ حکومییەکان و خوێندکارانی زانکۆ تایبەتەکان داوای داشکاندنی کرێی خوێندن دەکەن و دەڵێن، بەهۆی ئەوەی زیاتر لە مانگێک دەوام نەکراوە، پێویستە بەشێک لە پارەکەیان بۆ کەمبکرێتەوە. بەڕێوەبەری گشتیی فەرمانگەی کارگێڕی و دارایی لە وەزارەتی خوێندنی باڵا رایدەگەیێنێت، لەماوەی ئەمساڵدا داشکاندن بۆ کرێی خوێندن لە زانکۆ حکومی و تایبەتەکانیش کراوە.
