ئەندامێکی مەکتەبی جێبەجێکردنی رەوتی حیکمە، نێوەڕۆکی کۆبوونەوەکانی نێچیرڤان مبارزانی، سەرۆکی هەرێمی کوردستان لە بەغدا ئاشکرا دەکات و رایدەگەیێنێت، نێچیرڤان بارزانی کارنامەیەکی چڕ و پڕی بۆ چارەسەری کێشەکانی هەولێر و بەغدا داوەتە لایەنەکانی چوارچێوەی هاوئاهەنگی و پارتیش دەگەڕێتەوە بەغدا
جیهان لەبەردەم گەورەترین شۆکی ئابووریدایە؛ تەنگەی هورمز کە بە "شاخوێنبەری وزەی جیهان" دەناسرێت، دوای داخرانی و سەپاندنی گەمارۆی دەریایی لەلایەن ئەمریکاوە، جووڵەی بازرگانی تێیدا گەیشتووەتە ئاستی پەککەوتن، بەپێی داتاکان داخرانی تەنگەکە لەلایەک و گەمارۆی دەریایی ئەمریکاش دژی ئێران لە لایەکی دیکە تەنیا لە نیوەی دوومی مانگی نیسان نرخی کاڵا و خواردەمەنییان بە رێژەی 6٪ لە جیهان گران کردووە.
سەرۆکی دامەزراوەی نارامسین بۆ دیالۆگ رایدەگەیێنێت، عەلی زەیدی وەک "بەربژێری پاکتاوکردن" بۆ پۆستی سەرۆکوەزیرانی داهاتووی عێراق دیاریکراوە و ئەوەش بەرهەمی رێککەوتنی نێوان نوری مالیکی و محەممەد شیاع سوودانی بووە.
هیوا مەحموود عوسمان، رۆژنامەڤان و بەڕێوەبەری دامەزراوەی میدیایی (964+) دەڵێت، عێراق و هەرێمی کوردستان لەنێو گۆڕانکارییە خێراکانی ناوچەکەدا لە دۆخێکی نادیاردان و دەشڵێت: "نەبوونی یەکدەنگیی ناوخۆیی، هەرێمی کوردستانی کردووەتە ئامانجێکی ئاسان و عێراقیش وەک دەوڵەتێکی بێ بڕیار، تەنیا چاوەڕێی قەدەری رووداوەکان دەکات."
بەڕێوەبەری ناوەندی لێکۆڵینەوەی رووداو دەڵێ، هەرچەندە ئێران خوازیاری راگرتنی شەڕە، بەڵام ئاگربەست وەک دەرفەتێک بۆ "پاکتاوکردنی حساباتی خۆی" لە ناوچەکە و گوشارخستنە سەر حیزبەکانی رۆژهەڵاتی کوردستان بەکاردەهێنێت و نموونەش بەوە دەهێنێتەوە کە لە حەوتەم رۆژی ئاگربەست دا چەند درۆنێک ئاراستەی هەرێمی کوردستان کران. شارەزایەکی کاروباری ئێرانیش دەڵێت، تاران و واشنتن بەرەو رێککەوتنێک هەنگاو دەنێن و هەردوولا نەرمییان نواندووە.
ئێوارەی ئەمڕۆ ئابڵۆقەی دەریایی ئەمریکا بۆ سەر ئێران لە تەنگەی هورمز چووە بواری جێبەجێکردنەوە؛ ئەوەش بازاڕی وزە و رێڕەوی بازرگانیی جیهانیی شێواندووە. شارەزایەک دەڵێت، ئێران رۆژانە 435 ملیۆن دۆلار زیانی بەردەکەوێت و شارەزایەکی دیکەش پێیوایە تاران بەمە "تووشی شۆک نابێت".
سکرتێری گشتیی کۆنگرەی نیشتمانیی عێراق هۆشدارییەکی تووند دەداتە لایەنە سیاسییەکانی عێراق و دەڵێت، ناوچەکە لەبەردەم مەترسیی جەنگێکی گەورەدایە و "کۆکردنەوەی ئەو هەموو هێزەی ئەمریکا کە لە ساڵی 2003وە وێنەی نەبووە، دەیسەپێنێت کە پێویستە عێراق بەپەلە بڕیاری خۆی بدات."
بەڕێوەبەری گشتی لە دیوانی چاودێریی دارایی هەرێمی کوردستان دەڵێت، زۆرینەی کێشە تەکنیکییەکانی پەیوەست بە وردبینیی دارایی و لیستی مووچە لەگەڵ بەغدا یەکلایی بوونەتەوە. ئاماژە بەوەش دەکات، بەپێی بەڵگە و داتاکان، حکومەتی فیدراڵ قەرزداری هەرێمی کوردستانە، نەوەک بە پێچەوانەوە
جێگری سەرۆکی جووڵانەوەی نەوەی نوێ دەڵێت: هاوپەیمانێتییان لەگەڵ یەکێتی دژی هیچ لایەنێک نییە و لە قۆناخی داهاتووشدا هاوپەیمانێتییەکە تەنیا لەسەر ئاستی هەرێمی کوردستان نابێت و لە بەغداش کاری پێدەکرێت.
ئەندامێکی هاوپەیمانیی ئاوەدانکردنەوە و گەشەپێدان رایدەگەیێنێت، ئەگەر لایەنە کوردستانییەکان لەسەر پۆستی سەرۆککۆمار رێکنەکەون، پەرلەمان دۆسیەکە یەکلایی دەکاتەوە. دەشڵێت، بەربژێری پارتی دیموکراتی کوردستان چانسی بردنەوەی زۆرترە
