سەرۆکی ئەمریکا دەڵێت، مەبەستی لە "خۆبەدەستەوەدانی بێ مەرج" بۆ ئێران، تەنیا راگەیاندنێکی فەرمی نییە، بەڵکو دەکرێت بە واتای لەنێوبردنی تەواوەتیی توانای سەربازیی ئەو وڵاتە بێت تاوەکو ئەو ئاستەی چیدیکە نەتوانێت شەڕ بکات
کۆشکی سپی دەڵێ، راپۆرتەکانی تایبەت بە پێدانی زانیاریی هەواڵگری لە لایەن رووسیاوە بە ئێران، هیچ کاریگەرییەک لەسەر رەوتی جەنگەکە و سەرکەوتنەکانی ئەمریکا دروستناکەن.
کۆشکی سپی دەڵێ، ئۆپەراسیۆنی "تووڕەیی داستانئاسا" بۆسەر ئێران بە سەرکەوتوویی بەڕێوەدەچێت و پێشبینی دەکرێ لە 4 بۆ 6 هەفتەدا بگاتە ئامانجەکانی.
کوێت دەستی بە کەمکردنەوەی بەرهەمهێنانی نەوت لە چەند کێڵگەیەکی سەرەکی کرد، ئەوەش دوای ئەوەی شوێنی پێویستی بۆ کۆگاکردنی ئەو نەوتە خاوە نەما کە بەهۆی جەنگی ئێران لەگەڵ ئەمریکا و ئیسرائیل هەناردە ناکرێت.
بە گوێرەی چەند سەرچاوەیەک، رووسیا بە پێدانی زانیاریی وردی هەواڵگری بە ئێران یارمەتی تاران دەدات لە بەئامانجگرتنی هێزەکانی ئەمریکا لە رۆژهەڵاتی نێوەڕاست.
وەزیری بەرگریی ئیسرائیل دەڵێ، بڕیاری کوشتنی عەلی خامنەیی، رێبەری پێشووی کۆمارى ئیسلامی ئێران لە مانگی تشرینی دووەمی ساڵی رابردوو درا.
حکومەتی لوبنان بڕیارێکی تایبەت بە قەدەخەکردنی هەموو جۆرە چالاکییەکی سوپای پاسدارانی لە وڵاتەکەی دەرکرد.
کۆشکی سپی رایگەیاند، لە چەند کاژێری داهاتوودا کۆنتڕۆڵی "تەواوەتی و رەها"ـی ئاسمانی ئێران بەدەست دەهێنێت، ئەوەش لە پێنجەمین رۆژی ئۆپەراسیۆنە سەربازییەکاندا.
سەکۆی جیهانیی "پۆلیمارکێت" بۆ پێشبینییە داراییەکان ئاشکرای دەکات، ئەگەری راگەیاندنی دەوڵەتێکی سەربەخۆ لە رۆژهەڵاتی کوردستان گەیشتووەتە 38%. ئەمەش لەکاتێکدایە ئێران بەهۆی جەنگی ئەمریکا و ئیسرائیلەوە، رووبەڕووی بۆشاییەکی گەورەی دەسەڵات و پەککەوتنی دامەزراوە ئەمنییەکان بووەتەوە.
ناوەندێکی توێژینەوە دەڵێت، ئێران توانایەکی پیشەسازیی گەورەی هەیە، کە دەتوانێت مانگانە 10 هەزار درۆن بەرهەم بهێنێت، هەڕەشە لە ئاسایشی گەرووی هورمز و رێڕەوەکانی وزە بکات.
پارێزگاری هەولێر، وەزارەتەکانی بەرگریی وڵاتانی کەنداو، ئوردن و ئیسرائیل زانیاری ورد لەبارەی ژمارەی ئەو مووشەک و درۆنانە بڵاودەکەنەوە کە ئێران لە چوار رۆژی جەنگدا لە هێرشەکانیدا بەکاری هێناون. بەپێی داتا فەرمییەکان، تاران زیاتر لە 1,400 مووشەک و درۆنی لە هێرشەکانیدا بەکارهێناوە.
وەزارەتى بەرگریى ئیسرائیل رایگەیاند، لە دوایین هێرشە مووشەکییەکانیدا، لقەکانی دامەزراوەی "قەرزولحەسەنە"ى کردووەتە ئامانج، کە وەک شادەماری دارایی بۆ دابینکردنی مووچەی چەکداران و کڕینی چەک بۆ حیزبوڵڵا بەکارهاتووە.
شەپۆلێکی نوێی کۆچی هاووڵاتییانی ئێرانی بەرەو سنوورەکانی تورکیا دەستیپێکردووە؛ ئەوەش لە ترسی پەرەسەندنی جەنگی نێوان وڵاتەکەیان و ئەمریکا و ئیسرائیل. هاوکات لە تاران و شارە گەورەکانی دیکە قەیرانی سووتەمەنی دروستبووە و خەڵکێکی زۆر لە سەرەی بەنزیندا دەوەستن.
وەزارەتى بەرگریى قەتەر رایگەیاند، هێزە ئاسمانییەکانیان دوو فڕۆکەی جەنگیی جۆری SU-24ـی ئێرانیان خستووەتە خوارەوە، ئەوەش دوای ئەوەی تاران کێڵگە گازییەکان و چەند ناوچەیەکی دیکەی ئەو وڵاتەی کردە ئامانج.
سەرۆککۆماری فەرەنسا هۆشداری دەدات لەوەی فراوانبوونی جەنگی نێوان ئەمریکا، ئیسرائیل و ئێران، دەبێتە هۆی "تەقینەوەیەکی گەورە" لەسەر سنوورەکانی ئەورووپا. دەشڵێت: "توانا ئەتۆمی و مووشەکییەکانی ئێران هێشتا وەک هەڕەشەیەکی شاراوە ماونەتەوە."
وەزارەتى بەرگریى ئیمارات رایگەیاند، بەهۆی هێرشێکی ئێرانەوە، ئاگر لە بنکەیەکی دەریایی شاری ئەبووزەبی کەوتووەتەوە کە هێزەکانی فەرەنسای تێدا جێگیرکراون.
بێنیامین نەتەنیاهوو، سەرۆکوەزیرانی ئیسرائیل، رۆژانی ئێستای لە ناوچەکە بە "پڕ لە ئازار" وەسف کرد و جەختی کردەوە کە وڵاتەکەی هەموو توانای سەربازیی خۆی بۆ یەکلاکردنەوەی شەڕی دژی ئێران بەکاردەهێنێت تاوەکو گەرەنتیی مانەوە و داهاتووی ئیسرائیل بکات.
سوپای پاسدارانی ئێران دەڵێ، هێزەکانیان چوار بنکەی سەربازیی ئەمریکایان لە قەتەر، کوێت، ئیمارات و بەحرێن کردووەتە ئامانج.
بنیامین نەتەنیاهوو، سەرۆکوەزیرانی ئیسرائیل دەستپێکردنی ئۆپەراسیۆنێکی سەربازیی هاوبەشی لەگەڵ ویلایەتە یەکگرتووەکانی ئەمریکا بۆسەر ئێران راگەیاند و گوتی، ئامانجی ئەم هێرشانە کۆتاییهێنانە بە "هەڕەشە"ی دەسەڵاتی ئێران و رەخساندنی دەرفەتێکە بۆ پێکهاتەکانی نێو ئێران، تاوەکو چارەنووسی خۆیان بگرنە دەست
ئیسرائیل و ئەمریکا هێرشێکی سەربازیی بەرفراوانیان بۆ سەر ئێران دەستپێکردووە و وەزیری بەرگریی ئیسرائیلیش رایدەگەیێنێت کە ئەمە هەنگاوێکی پێشوەختە بووە بۆ پاراستنی ئاسایشی وڵاتەکەی.
سەرۆکی ئەمریکا ژمارەی پێوانەیی درێژترین گوتاری "ساڵانەی وڵات"ی لە مێژووی وڵاتەکەیدا شکاند و توانی پێش گوتارە بەنێوبانگەکەی ساڵی 2000ی بیڵ کلینتن بکەوێت
سەرۆکی ئەمریکا رایگەیاند، ئێران هەوڵ بۆ پەرەپێدانی مووشەکی بالیستیی کیشوەربڕ دەدات، تاوەکو بتوانێت راستەوخۆ خاکی ئەمریکا بپێکێت. ترەمپ لە یەکەم گوتاری ساڵانەی وڵاتدا لە خولی دووەمی سەرۆکایەتییەکەیدا تارانی بەوە تۆمەتبار کرد، دەیەوێت ئەو بەرنامە ئەتۆمییە بونیاد بنێتەوە کە ساڵی رابردوو لەلایەن هێزەکانی ئەمریکاوە کرایە ئامانج
دۆناڵد ترەمپ، سەرۆکی ئەمریکا رایگەیاند، خوازیاری چارەسەرکردنی ئاڵۆزییەکانی وڵاتەکەی لەگەڵ ئێرانە لە رێگەی دیپلۆماسییەوە، بەڵام هۆشداریی دا کە هەرگیز رێگە نادات تاران ببێتە خاوەنی چەکی ئەتۆمی و داوای گەرەنتیی روون و ئاشکرای لە بەرپرسانی ئێران کرد
تێچووی بژێوی لە شاری هەولێر لە شارەکانی دیکەی باشووری کوردستان و عێراق بەرزترینە، بەڵام هێشتاش لەسەر ئاستی جیهان وەک شارێکی هەرزان هەژمار دەکرێ
بنیامین نەتەنیاهوو، سەرۆکوەزیرانی ئیسرائیل هۆشدارییەکی تووندی دایە تاران و رایگەیاند، وڵاتەکەی بۆ هەموو سیناریۆیەکی سەربازی ئامادەیە. جەختیشی کردەوە کە ئەگەر ئێران هێرش بکات، وەڵامێکی وایان دەدەنەوە "کە تەنانەت لە خەیاڵیشیاندا نەبووبێت."
ئیدارەی دۆناڵد ترەمپ لە هەموو کاتێک زیاتر لە جەنگێکی گشتگیر لەگەڵ ئێران نزیک بووەتەوە و میدیایەکی ئەمریکیش ئاشکرای دەکات، ئەگەری هێرشکردنە سەر ئێران 90٪ـە و مۆڵەتی دوو هەفتە بە تاران دراوە.
حکومەتی نێجیریا گەیشتنی نزیکەی 100 سەربازی ئەمریکی بۆ وڵاتەکەی راگەیاند، کە وەک بەشێک لە پلانی نوێی واشنتن بۆ فراوانکردنی ئۆپەراسیۆنە سەربازییەکان دژی گرووپە تووندڕەوەکان و بەهێزکردنی تواناکانی هەواڵگریی سوپای نێجیریا دەبینرێت.
بەدر بن حەمەد ئەلبوسەعیدی، وەزیری دەرەوەی عومان لە شاری جنێڤ لەگەڵ عەباس عێراقچی، وەزیری دەرەوەی ئێران کۆبووەوە، بۆ تاوتوێکردنی دوایین ئامادەکارییەکان بەر لە دەستپێکردنی گەڕی دووەمی دانوستاندنەکان لەگەڵ ئەمریکا، کە بڕیارە بەیانى رۆژی سێشەممە بەڕێوەبچێت.
بۆ یەکەمجار لە مێژوودا، وەزارەتەکانی وزە و بەرگریی ئەمریکا کورەیەکی ئەتۆمیی بچووککراوەیان لە رێگەی فڕۆکەیەکی بارهەڵگری سەربازییەوە گواستەوە؛ ئەوەش وەک هەنگاوێک بۆ نیشاندانی توانای واشنتن لە بڵاوەپێکردنی خێرای وزەی ئەتۆمی بۆ مەبەستی سەربازی و مەدەنی.
هاوبەشییەکى بازرگانیی عێراقی-ئیماراتی پلانی جێبەجێکردنی پڕۆژەیەکی گەورەی کێبڵی گواستنەوەی داتا بە تێچووی 700 ملیۆن دۆلار رادەگەیێنێت، کە ئامانج لێی بەستنەوەی ئیماراتى عەرەبییە بە تورکیا لە رێگەی خاکی عێراقەوە، ئەمەش وەک هەوڵێک بۆ خێراکردنی ئینتەرنێت و کەمکردنەوەی پشتبەستن بە رێڕەوی نۆکەندی سوێس.
وەزارەتى جەنگی ئەمریکا لە رێگەی بەکارهێنانی مۆدێلێکی پێشکەوتووی ژیریی دەستکرد توانیویەتی نەخشەی ئۆپەراسیۆنی دەستگیرکردنی نیکۆلاس مادورۆ، سەرۆکی پێشووی ڤەنزوێلا دابڕێژێت.
زانکۆی "تەکساس ئەی ئەند ئێم" رۆژی سێشەممە، 10-02-2026 رایگەیاند کە تەندروستیی باوک و خووەکانی بەرلە پیتاندنی هێلکە، رۆڵێکی یەکلاکەرەوە لە سەلامەتیی گەشەی کۆرپەلە و رێگری لە شێواویی زگماکی دەگێڕێت.
حکومەتی ئەمریکا رێکاری تووند دژی ئەو دایک و باوکانە دەگرێتەبەر کە پارەی بەخێوکردنی منداڵەکانیان قەرزدارن و لەرێگەی هەڵوەشاندنەوەی پاسپۆرتەکانیانەوە، رێگرییان لێ دەکات گەشتی نێودەوڵەتی بکەن. ئەم هەنگاوە نوێیە بۆ چالاککردنەوەی یاسایەکی 30 ساڵ لەمەوبەرە کە ئامانجی ناچارکردنی باوانە بۆ جێبەجێکردنی ئەرکە یاساییەکانیان بەرامبەر منداڵەکانیان.
حکومەتی رووسیا بە فەرمی ئەپڵیکەیشنی وەتسئەپی لە سەرتاسەری وڵاتەکەیدا بلۆک کرد، ئەوەش وەک هەوڵێک بۆ تووندکردنەوەی کۆنتڕۆڵی ژینگەی دیجیتاڵی و ناچارکردنی بەکارهێنەران بۆ بەکارهێنانی ئەپڵیکەیشنێکی نێوخۆیی بە ناوی "ماکس".
حکومەتی ئێران بەڕێوەبەری کەناڵێکی تەلەڤزیۆنی فەرمیی لە کارەکەی دوورخستەوە، ئەوەش دوای ئەوەی پەیامنێرێکی ئەو کەناڵە لە پەخشی راستەوخۆدا دروشمێکی دژی رێبەری باڵای وڵاتەکە گوتەوە.
رێکخراوی نەتەوە یەکگرتووەکان ئاشکرای کرد، ساڵی رابردوو پێنج هەوڵی جیاواز بۆ تیرۆرکردنی ئەحمەد شەرع، سەرۆکی سووریا و دوو وەزیری باڵای حکومەتەکەی لەلایەن گرووپەکانی سەر بە داعشەوە کراون، بەڵام هەموو پیلانەکان پێش جێبەجێکردنیان شکستیان هێناوە.
حکومەتی رووسیا بڕیاریدا بڕێکی زۆر لە سووتەمەنی و بەرهەمە نەوتییەکان وەک هاوکاریی مرۆیی بۆ وڵاتی کوبا بنێرێت، ئەوەش دوای ئەوەی ئەو دوورگەیە بەهۆی گوشارە ئابوورییەکانی ئەمریکاوە تووشی خراپترین قەیرانی وزە بووە و سێکتەری گواستنەوەی ئاسمانی و ژیانی رۆژانەی هاووڵاتییانی پەکخستووە.
داواکاری گشتیی شاری گرینۆبڵ لە باشووری رۆژهەڵاتی فەرەنسا رایگەیاند، پیاوێکی تەمەن 79 ساڵ رووبەڕووی تۆمەتی قورسی دەستدرێژیی سێکسی بۆ سەر 89 مێردمنداڵ بووەتەوە، کە لە ماوەی 55 ساڵدا ئەنجامی داون. هەروەها، تۆمەتبارەکە دانی بەوەشدا ناوە کە دایک و پووریشی کوشتووە
وەزارەتی دەرەوەی ئێران جەخت لە بەردەوامیی رێگەی دیپلۆماسی بۆ پاراستنی بەرژەوەندییەکانی تاران دەکاتەوە و رایدەگەیێنێت، ئامادەن لە مەسقەت بمێننەوە تاوەکو گفتوگۆکان دەگەنە ئەنجام. هاوکات عەلی لاریجانی بۆ گەیاندنی پەیامی وڵاتەکەی بە نێردەی تایبەتی ترەمپ، گەیشتە عومان
وەزارەتی بازرگانیی هیندستان رایدەگەیێنێت، هەناردەی چای وڵاتەکەیان لە ساڵی 2025دا ریکۆردی تۆمار کردووە و عێراقیش وەکو گەورەترین کڕیاری چای هیندی لەسەر ئاستی جیهان دەرکەوتووە. ئێستا عێراق بە تەنیا نزیکەی 20%ی کۆی هەناردەی چای هیندستان پێکدەهێنێت.
وەزارەتی پەیوەندییەکانی ئوسترالیا رایگەیاند، داوای کۆبوونەوەیەکی بەپەلەی لە بەڕێوەبەرانی کۆمپانیای دروستکەری یاریی "رۆبلۆکس" (Roblox) کردووە، ئەوەش بەهۆی زیادبوونی مەترسییەکانی "هەڵخەڵەتاندن و بەکارهێنانی منداڵان" لەنێو یارییەکەدا
وەزارەتى دەرەوەى ئیسرائیل رایگەیاند، بنیامین نەتەنیاهوو، سەرۆکوەزیرانی ئیسرائیل بۆ کۆبوونەوە لەگەڵ دۆناڵد ترەمپ بەرەو ویلایەتە یەکگرتووەکانی ئەمریکا بەڕێدەکەوێت.
وەزارەتى تەندروستیى لوبنان سەرسوڕمانی خۆی بەرامبەر بڕیارێکی وڵاتی کوێت دەربڕی کە تێیدا 8 نەخۆشخانەی ئەهلیی لوبنانی خستووەتە لیستی "تیرۆر". وێڕای دەربڕینی نیگەرانی، وەزارەتەکە رایگەیاند، لەرێگەی لایەنە پەیوەندیدارەکانەوە بەدواداچوون بۆ ئەم بابەتە دەکەن تاوەکو پارێزگاری لە سیستەمی تەندروستیی وڵاتەکەیان بکەن.
لە شارى بۆسۆی بەلجیکا، سێ گەنج بەهۆى خواردنی کەپسوولى هەزار میلیگرامی پاراستیمۆلەوە گەیێندرانە نەخۆشخانە. گەنجێک دەڵێت، چاڵێنجێکی تیکتۆکی بینیوە و چووەتە نێو چاڵێنجەکەوە. یەکێتیی ئەورووپاش هەڕەشەی سزای تووند دەکات.
وەزارەتى دادى ئەمریکا رایگەیاند، لە رۆژی دووشەممە 10-02-2026ـەوە، رێگە بە ئەندامانی کۆنگرێس دەدات دەستیان بە وێنەیەکی بێسانسۆری فایلە نهێنییەکانی جێفری ئێپستین، تۆمەتباری بازرگانی سێکس بگات.
سەرۆکی ئەمریکا رۆژی هەینى، 06-02-2026 بەکاتى واشنتن (بەرەبەیانى شەممە 07-02-2026 بەکاتی هەولێر) رایگەیاند، واشنتن گفتوگۆی "زۆر باشی" لەگەڵ تاران ئەنجامداوە. وێڕای دەربڕینی گەشبینی بۆ بەردەوامیی دانوستاندنەکان، ترهمپ هۆشداری دا کە ئەگەر نەگەنە رێککەوتن، "لێکەوتەکان زۆر قورس دەبن."
سوپای ئیسرائیل دەڵێت، غەسان عەلیان، رێکخەری پێشووی هاوئاهەنگی چالاکییەکانی حکومەت لە ناوچەکانی یەهودا، سامرە و کەرتی غەززە پۆستێکی سەربازیی پێ سپێردراوە. عەلیان وەک بەرپرسی پەیوەندییەکان لەگەڵ هاووڵاتییانی دروز لە سووریا و لوبنان دەستبەکاردەبێت
بنیامین نەتەنیاهوو، سەرۆکوەزیرانی ئیسرائیل نێردەی تایبەتی ئەمریکای ئاگادار کردووەتەوە کە دەسەڵاتی فەلەستینی بە هیچ شێوەیەک بەشداری لە بەڕێوەبردنی کەرتی غەززەدا ناکات
سەیفولئیسلام قەزافی کوژرا و داواکاری گشتیی لیبیا دەڵێت، لێکۆڵینەوە لە کوژرانی سەیفولئیسلام قەزافی، کوڕی موعەمەر قەزافی، سەرۆکى پێشووى لیبیا دەستپێکردووە.
وەزارەتى بەرگریى ئیسرائیل دەڵێ، گۆڕانکاری لە پۆستی گوتەبێژی زمانی عەرەبی سوپای ئیسرائیل دەکات. ئیلا واویا کە ئەفسەرێکی موسڵمانە، شوێنی ئەڤیخای ئەدرەعی، گوتەبێژی ناسراوی سوپاکە دەگرێتەوە
مەسعود پزیشکیان، سەرۆککۆماری ئێران رایگەیاند، فەرمانی بە وەزیری دەرەوەی وڵاتەکەی کردووە دەست بە دانوستان لەگەڵ ئەمریکا بکات. ئاماژەی بەوەش کرد، گفتوگۆکان دەبێت دوور بن لە هەڕەشە و "چاوەڕوانیی نالۆژیکی."
وەزارەتی ناوخۆی سووریا هەڵوەشاندنەوەی شانەیەکی "تیرۆریستی" راگەیاند کە بەرپرس بوون لە هێرشەکانی سەر گەڕەکی مەززە لە دیمەشق. دەشڵێت: "سەرچاوەی چەک و درۆنەکانیان حیزبوڵڵای لوبنانە."
وێڕای هەڵکشانی گرژییەکان و جووڵە سەربازییەکان، بەرپرسانی باڵای ئێران و ئەمریکا ئاماژە بە هەبوونی گفتوگۆ و هەوڵەکان بۆ دەستپێکردنی دانوستاندن دەکەن
حکومەتى رواندا سکاڵایەکی یاسایی لە دژی شانشینی بەریتانیا لە دادگای نێودەوڵەتی لە لاهای تۆمار کرد؛ ئەوەش دوای ئەوەی لەندەن بە شێوەیەکی "تاکلایەنە" کۆتایى بە رێککەوتنی ناردنی کۆچبەران بۆ ئەو وڵاتە هێنا.
حکومەتی ویلایەتی ئاندرە پرادێش لە هیندستان کە دانیشتووانەکەی زیاتر لە 50 ملیۆن کەسە، رایگەیاند سەرقاڵی ئامادەکردنی زەمینەیە بۆ قەدەخەکردنی سۆشیاڵ میدیا لە منداڵان. وەزیری تەکنەلۆژیای ئەو ویلایەتەش دەڵێت: "متمانە بە تۆڕە کۆمەڵایەتییەکان خەریکە لەناودەچێت."
دۆناڵد ترەمپ، سەرۆکی ئەمریکا لەگەڵ فەرماندە باڵاکانی سوپا و راوێژکارانی ئاسایشی نیشتمانی، تاوتوێی وەشاندنی گورزی سەربازیی "دیاریکراو" بۆ سەر ئێران دەکات. ئامانج لەو هێرشانە پەکخستنی توانای هێزە ئەمنییەکان و زەمینە خۆشکردنە بۆ هەڵگیرساندنەوەی خۆپێشاندانەکان.
حکومەتى ئیسپانیا بە فەرمى بڕیاری دا مافى نیشتەجێبوون و کار بە نزیکەى 500 هەزار کۆچبەرى نایاسایی بدات. وەزیری کۆچی ئەو وڵاتە دەڵێت، ئامانجیان "بەخشینی شکۆیە" بەو کەسانە، لە کاتێکدا سەرۆکوەزیران جەخت لەوە دەکاتەوە، ئابووریی وڵاتەکە پێویستی بەو کۆچبەرانەیە
لە نزیک کەناراوەکانی یۆنان بەلەمێکی کۆچبەران نوقم بوو. پاسەوانی سنووری ئەو وڵاتە دەڵێت، 50 کەسیان رزگار کردووە، بەڵام تەرمی ژنێک و منداڵێک دۆزراونەتەوە و سێ کەسی دیکەش بێسەروشوێنن
سیناتۆرێکی ئەمریکی هۆشداریی دا کە حکومەتی سووریا رێککەوتنی ئاگربەستی پێشێل کردووە. جەختی کردەوە، پاراستنی سەقامگیری لە سووریا بۆ ئاسایشی هەموو ناوچەکە گرنگە
بێلا حەدید، نمایشکاری بەنێوبانگی جیهانی لە نوێترین پەیامیدا لە تۆڕە کۆمەڵایەتییەکان پشتگیریی خۆی بۆ گەلی کورد دەردەبڕێت و ناوی "کوردستان" دەخاتە پاڵ ئەو وڵاتانەی کە داوای ئازادکردنیان دەکات
نووسینگەی بنیامین نەتەنیاهوو، سەرۆکوەزیرانی ئیسرائیل بە تووندی ناڕەزایەتی بەرامبەر بە پێکهاتەی "بۆردی جێبەجێکردنی غەززە" دەردەبڕێت و دەڵێت، دیاریکردنی ئەندامانی ئەو بۆردە بەبێ هاوئاهەنگی لەگەڵ تەلئەڤیڤ کراوە و دەرەنجامەکەی مایەی قبووڵکردن نییە
دۆناڵد ترەمپ، سەرۆکی ئەمریکا هۆشدارییەکی تووندی دایە دەسەڵاتدارانی ئێران و رایگەیاند، ئەگەر تاران دەست بکات بە لەسێدارەدانی خۆپێشاندەران، ئەمریکا "کردەوەی زۆر بەهێز"ی دەبێت. لە بەرامبەردا تاران ئەم هەڕەشانەی واشنتنی وەک "بیانوویەک بۆ دەستوەردانی سەربازی" وەسف کرد
حکومەتی چین هۆشداری دەداتە وڵاتانی ئەورووپا و داوایان لێدەکات رێگری بکەن لە پێدانی ڤیزا بە بەرپرسانی باڵای تایوان؛ پەکین ئەم هەنگاوە بە "دەستوەردان لە کاروباری ناوخۆی" خۆی دەزانێت و دەیەوێت تایوان زیاتر گۆشەگیر بکات
دەرهێنەرە ناودارەکەی سینەمای ئێران رایدەگەیێنێت، سەرکوتکردنی خۆپێشاندەران لەلایەن حکومەتەوە گەیشتووەتە ئاستێک کە خەڵک "بێ پەنا" ماونەتەوە. جەعفەر پەناهی داوا لە کۆمەڵگەی نێودەوڵەتی دەکات پشتیوانی لە خەڵک بکەن بۆ "کۆتاییهێنان" بە سیستمی سیاسیی تاران
حکومەتی قەتەر هۆشداری دەداتە واشنتن و تاران، کە هەر جۆرە پەرەسەندنێکی سەربازی لەنێوانیاندا دەرەنجامی "کارەساتبار"ی لێدەکەوێتەوە و رایدەگەیێنێت، هەوڵە دیپلۆماسییەکان بۆ هێورکردنەوەی دۆخەکە بەردەوامن
دۆناڵد ترەمپ، سەرۆکی ئەمریکا بڕیارێکی "یەکلاکەرەوە"ـی دەرکرد و رایگەیاند، هەر وڵاتێک بازرگانی لەگەڵ ئێران بکات، رووبەڕووی باجی گومرگیی 25٪ دەبێتەوە؛ بڕیارەکەش راستەوخۆ کاریگەری لەسەر عێراق، تورکیا و چین دەبێت.
دیمەنی سەرەتای ئەم ڤیدیۆیە، پاشماوەى تۆپبارانکردنى گەڕەکی شێخ مەقسوودە؛ دانیشتووانى لە ناو وێرانکارییەکی زۆردا دەگەڕێنەوە سەر ماڵەکانیان و هەوڵی دووبارە بنیاتنانەوەی دەدەن.
یەکێتیی ئەورووپا رایگەیاند، بەهۆی "سەرکوتکردنی خوێناویی" خۆپێشاندەران، تاوتوێی سەپاندنی زنجیرەیەک سزای نوێ و قورستر بەسەر کۆماری ئیسلامیی ئێراندا دەکات.
یەکێتیی ئەورووپا نیگەرانیی قووڵی خۆی لەبارەی شەڕی شێخ مەقسوود و ئەشرەفییە لە حەلەب دەربڕی. ئەمە لە کاتێکدایە کە سوپای عەرەبی سووریا ئامادەکاری دەکات بۆ هێرشی دیکەی سەر گەڕەکەکانی شێخ مەقسوود و ئەشرەفییە و بەنی زەید.
دۆناڵد ترەمپ، سەرۆکی ئەمریکا دەڵێت، دەسەڵاتدارانی کاتی لە ڤەنزوێلا رەزامەندییان نیشانداوە لەنێوان 30 بۆ 50 ملیۆن بەرمیل نەوتی کواڵیتی بەرز رادەستی ئەمریکا بکەن. ئەم بڕە نەوتە بڕیارە بە نرخی رۆژی بازاڕە جیهانییەکان بفرۆشرێت
یەکێتیی ئەورووپا داوای دانبەخۆداگرتن و رێزگرتن لە یاسا نێودەوڵەتییەکان دەکات. ئەم داوایە دوای ئەوە دێت کە دۆناڵد ترەمپ، سەرۆکی ئەمریکا رایگەیاند، هێزەکانی وڵاتەکەی نیکۆلاس مادورۆ، سەرۆکی ڤەنزوێلایان لە هێرشێکی بەرفراواندا دەستگیر کردووە
حکومەتی ڤەنزوێلا داوای کرد ئەنجوومەنی ئاسایشی نەتەوە یەکگرتووەکان کۆبوونەوەیەکی نائاسایی و بەپەلە رێکبخات. ئەم داواکارییە دوای زنجیرەیەک هێرشی ئاسمانی و مووشەکیی ئەمریکا دێت بۆ سەر پایتەختى وڵاتەکە و دەستگیرکردنى نیکۆلاس مادورۆ، سەرۆکى ڤەنزوێلا و هاوژینەکەى
حکومەتی رووسیا داوا لە ویلایەتە یەکگرتووەکانی ئەمریکا دەکات کە بە "زووترین کات" زانیاریی ورد لەبارەی شوێن و دۆخی تەندروستیی نیکۆلاس مادورۆ، سەرۆکی ڤەنزوێلا ئاشکرا بکات. ئەم داواکارییەی مۆسکۆ دوای ئەوە دێت کە واشنتن دەستگیرکردنی مادورۆی لە کاراکاس و گواستنەوەى بۆ دەرەوەى ولات راگەیاند
ڤلادیمیر لۆپێز، وەزیری بەرگریی ڤەنزوێلا، بڵاوەپێکردنی هێزە چەکدارەکانی وڵاتەکەی لە سەرتاسەری وڵات راگەیاند. ئەم هەنگاوە دوای زنجیرەیەک هێرشی ئاسمانی و مووشەکیی ئەمریکا هات بۆ سەر شاری کاراکاسی پایتەخت و چەند ناوچەیەکی دیکەی ڤەنزوێلا
رۆژی شەممە 3-01-2026 دۆناڵد ترەمپ، سەرۆکی ئەمریکا لە راگەیێندراوێکی کتوپڕدا دەستگیرکردنی نیکۆلاس مادورۆ، سەرۆککۆماری ڤەنزوێلای راگەیاند. ئەم هەواڵە کۆتایی بە سەردەمی دەسەڵاتی یەکێک لە مشتومڕاویترین سەرکردەکانی جیهان هێنا، کە لە 13 ساڵی رابردوودا بە تووندترین شێوە رووبەڕووی سیاسەتەکانی واشنتن بووەوە
ئیمیلی پۆرتمان، گۆرانیبێژێکی ناسراوە و ماوەی سێ ساڵە هیچ بەرهەمێکی نوێی بڵاونەکردووەتەوە، بەڵام لەم دواییانەدا بەهۆی ئەلبوومێکی "ساختە"وە هەمووانی سەرسام کرد.
ئیمانوێل ماکرۆن، سەرۆکی فەرەنسا، رۆژی یەکشەممە رایگەیاند، رەزامەندیی فەرمیی داوە بۆ دروستکردنى کەشتییەکى فرۆکەهەڵگری ئەتۆمیی دیکە بۆ وڵاتەکەى.
فەرماندەیی ناوەندیی سوپای ئەمریکا (سێنتکۆم) رایگەیاند، لە مانگی تەممووزی ئەمساڵەوە تاوەکو ئێستا، هێزەکانیان بە هاوکاریی هاوبەشەکانیان نزیکەی 80 ئۆپەراسیۆنیان لە دژی داعش لە سووریا کردووە. راشیگەیاند: "119 گومانلێکراو دەستگیرکراون."
دۆناڵد ترەمپ، سەرۆکى ئەمریکا واژۆی لەسەر 221ـەمین فەرمانی سەرۆکایەتی کرد؛ ژمارەیەک کە لە تەواوی یەکەم خولی سەرۆکایەتییەکەی زیاترە.
بڕیارە سیستمێکی نوێی خاوەندارێتیی خانووبەرە بۆ هاووڵاتییانی ناسعودی لە کانوونی دووەمەوە بکەوێتە واری جێبەجێکردنەوە
ئەگەرچى تەنیا پێنج ساڵە فێستیڤاڵەکە بەڕێوەدەچێت، بەڵام بە بەشداریی سینەماى 70 وڵات، خەریکە دەبێتە یەکێک لە گەورەترین فێستیڤاڵەکانى فیلم لە جیهاندا.
دوابەدواى گەڕاندنەوەى خزمەتى سەربازی لە فەرەنسا، ئەڵمانیاش دواى 14 ساڵ لە راگرتنی، بڕیاری گەڕاندنەوەى لە پەرلەمانى وڵاتەکەى پەسەند کرد.
بەگوێرەى داتاکانی پەیمانگەى لێکۆڵینەوەى جەنگی ئەمریکى، رووسیا لە مانگی رابردوودا گەورەترین پێشڕەویی لە خاکى ئۆکراینا کردووە.
بنیامین نەتەنیاهوو، سەرۆکوەزیرانى ئیسرائیل داواکارییەکى فەرمیی بۆ لێخۆشبوونى لەو تۆمەتانەى رووبەرووى کراونەتەوە بۆ ئیسحاق هێرزۆگ، سەرۆکى ئیسرائیل ناردووە.
20 ساڵ لەمەوبەر تەنیا ئامرازێکى پەیوەندیکردن بوو، بەڵام ئەمڕۆ وەک ئامرازێکی ئالوودەبوون سەیر دەکرێ.
بەگوێرەى دوایین داتاى دەسەڵاتدارانی ئیندۆنیزیا، تایلاند و مالیزیا، گیانلەدەستدان لەو وڵاتانە لە ئەنجامی لافاو و رۆچوونى زەوییەوە 300 کەسى تێپەڕاند
منداڵی بلووری (IVF) لە سەرانسەری ویلایەتە یەکگرتووەکانی ئەمریکا بە شێوەیەکی بەرچاو زیادیکردووە، بەجۆرێک لەدایکبوون لە رێگەی تەکنەلۆژیای یارمەتیدەری زاوزێوە لەنێوان ساڵانی 2013 بۆ 2022 بە رێژەی 45% بەرزبووەتەوە.
ئەمڕۆ چوارشەممە، ئاگرێکی گەورە لە هەشت باڵەخانەی نیشتەجێبوون لە هۆنگکۆنگ کەوتەوە و بەهۆیەوە لانیکەم 36 کەس گیانیان لەدەستدا، میدیای خۆجێیش دەڵێت، چەند کەسێک لەنێو باڵەخانەکاندا گیریان خواردووە.
نەتەوە یەکگرتووەکان رایگەیاند، هەر 10 خولەک جارێک ژنێک لەلایەن کەسێکى نزیکییەوە دەکوژرێ، هەروەها دەڵێت، لە 2024دا پێشکەوتنێکى بەرچاو لە بەرەنگاربوونەوەى دیاردەى ژنکوشتن نەبووە.
کۆمەڵەی کریستیانەکانی نەیجیریا رۆژی شەممە رایگەیاند، دوای هەڵکوتانە سەر قوتابخانەیەکى کچان لەلایەن گرووپێکى چەکدارى نەناسراوەوە، "کۆی گشتیی رفێنراوەکان تائێستا 303 خوێندکار و 12 مامۆستان".
وەزارەتى دەرەوەى ئەمریکا لە پۆستێکدا لە تۆڕى کۆمەڵایەتىى ئێکس دەڵێ، رێنمایی داوەتە باڵێوزخانەکانى لە وڵاتانی رۆژئاوا کە "زانیاری لەبارەی لێکەوتەکانی کۆچی بەکۆمەڵ لە رووی مافەکانی مرۆڤ و کاریگەرییەکانی لەسەر سەلامەتیی گشتی ئامادە بکەن".
وەزارەتى بەرگریى سووریا بە میدیای فەرمیی وڵاتەکەی گوت، هێرشەکەى شەوى رابردوو بە دوو مووشەکى جۆرى کاتیۆشا بووە، خانوویەک لە گەڕەکی مەزێی دیمەشق کراوەتە ئامانج و بەو هۆیەوە دوو هاوڵاتی بریندار بوون
بڕیارە رۆژى دووشەممە 17-11-2025 ئەنجوومەنى ئاسایشى نەتەوە یەکگرتووەکان دەنگ لەسەر رەشنووسی پلانەکەى ترەمپ بۆ ئاشتى لە غەززە بدات. نوێنەرى ئەمریکاش لە نەتەوە یەکگرتووەکان هۆشدارى دەستپێکردنەوەى جەنگ لە ئەگەرى پەسندنەکردنی پلانەکە دەدات
بەگوێرەى دواین توێژینەوە، نەوەى زێت کە لەدایکبووانى 1997 تاوەکو 2012 دەگرێتەوە، بەراورد بە نەوەکانى پێش خۆیان، کەمترین کحول دەخۆنەوە.
سەرۆکى ئەمریکا لەنێو فڕۆکە تایبەتەکەى قسەی بۆ رۆژنامەنووسان کرد و گوتى، بەدوورى نازانێت چاوى بە کیم جۆنگ ئوون، رێبەری کۆریاى باکوور بکەوێت
لە پرۆسەى گۆڕینەوەى بارمتەکانى ئیسرائیل لە غەززە بەرامبەر زیندانییە فەلەستینییەکان، 154 فەلەستینى دواى ئازادکردنیان لە ئیسرائیل رەوانەى میسر کران
کیریل دیمیتریێڤ، دانوستاندنکارى باڵای ئابووریی رووسیا گەیشتە نیویۆرک، ئەوەش بە مەبەستی گفتوگۆ لەگەڵ بەرپرسانی ئەمریکا لەبارەى کێشەکانى نێوانیان
ڤۆلۆدیمیر زیلینسکى، سەرۆکى ئۆکراینا لەگەڵ کییەر ستارمەر، سەرۆکوەزیرانى بەریتانیا کۆبوویەوە. ستارمەر پشتیوانى وڵاتانى ئەورووپای بۆ ئۆکراینا دووپاتکردەوە
شێڵی ئەندریامیهاجی، یەکێک لە سەرکردەکانی بزووتنەوەى نەوەى زێد، کە رێبەرایەتى خۆپیشاندانەکانى ماداگاسکاریان کردووە و بوونە هۆى لەکارلادانى سەرۆکى وڵاتەکە، لە لێدوانێکدا بۆ رووداو گوتى: "ترسمان لە دروستبوونى دەسەڵاتێکى سەربازى هەیە".
