پارێزگاری بانکی ناوەندیی عێراق بۆ رووداو: بودجەی سێ ساڵە خەرجییەکی زۆری لەخۆگرتووە

 

 

 

عەلی عەللاق: لەڕاستیدا کۆنفرانسەکە تیشک دەخاتە سەر بابەتێکی لەپێشینەی نیشتمانی بە شێوەیەکی گەورە، کاتێک باس لە پارەدانی ئەلیکترۆنی دەکەین واتای ئەوەیە باس لە لایەنی ئابووری و کۆمەڵایەتیی فراوان و گەورە دەکەین، پەیوەستە بە بابەتی گەشەپێدان و بەکارهێنانی تەکنەلۆژیا داراییە نوێیەکان، کە خزمەتی ئابووریی نیشتمانی بکات.

 

 

عەلی عەللاق: بابەتی سڕینەوەی سفرەکان لەسەر دراوی عێراقی، پڕۆژەیەکە هێشتا هەیە و بەردەوامە، کاری پلاندانانی بۆ دەکەین و لە داهاتوودا بەرەوپێشچوون لەو بابەتەدا دەبیستین.

 

 

عەلی عەللاق: چۆن واتا کەمیی نەختینە؟

 

 

عەلی عەللاق: بە دڵنیاییەوە بودجەی سێ ساڵە، بودجەیەک بوو کە خەرجییەکی زۆری لەخۆگرتبوو، بۆیە کورتهێنان تێیدا بەرز بوو، بەڵام هاوئاهەنگی لە نێوان وەزارەتی دارایی و بانکی ناوەندی هەیە، لەپێناو ئەوەی سەقامگیریی زیاتر لە داراییدا هەبێت، پلان هەیە و جێبەجێ دەکرێت بە هاوئاهەنگی لەنێوان حکومەت و بانکی ناوەندی بۆ دانانی بنەمایەک بۆ بەردەوامیی دارایی، کە تووشی کەمی و گرفت نەبێتەوە، ئەو بەرنامانەی حکومەت و بانکی ناوەندی کاری لەسەر دەکەن، زیادکردنی داهاتە نانەوتییەکانە و بۆ خۆپاراستنە لەو شۆکانەی تووشی ئابووریی عێراق دەبێت، پێموایە لە داهاتوودا بەرەوپێشچوونی زۆر لەو بابەتە دەبێت، بابەتی بەردەوامیی دارایی ئامانجێکی گرنگ و بنەڕەتییە کە هەمووان کاری لەسەر دەکەین.

 

 

عەلی عەللاق: لەگەڵ نوێکردنەوەی پێشنیازی بابەتی سڕینەوەی سفرەکان کە ئامادەکاریی بۆ دەکرێت ئێستا، هەیکەلی دراوەکان بە شێوەیەکی گشتی دووبارە دادەنرێنەوە، لەنێویاندا 20 هەزار دیناری.

 

 

عەلی عەللاق: وەک روونم کردەوە، ئەم پرسیارە دەبێت ئاراستەی وەزارەتی دارایی بکرێت نەک بانکی ناوەندی، بەڵام وەک ئاماژەم پێدا، پلان و نەخشەسازی هەیە بۆ دانانی بنەمای دارایی تەندروست کە پشت بە خوا بەردەوامیی دارایی لە داهاتوودا گەرەنتی دەکات.

 

 

عەلی عەللاق: بەڵێ، هیچ رێگری و بەربەستێک نییە، ئێمە رۆژانە بە نزیکەیی ئەو بڕە دۆلارە ئەمریکییەی وەریدەگرین، راستەوخۆ دەیگۆڕین بۆ دیناری عێراقی، ئەوەش بۆ دابینکردنی پێویستییەکانی وەزارەتی دارایی و پارەدانی ئەوانەی بە دۆلار بەرامبەر بە دینار پێی دەگات.

 

 

عەلی عەللاق: لەڕاستیدا وەڵام دانەوەی ئەم پرسیارە قورسە، چونکە پرسی زێڕ و دراوەکان پەیوەستن بە هۆکار و دۆخی جیاوازەوە، راستە کە ئاراستەیەکی جیهانی لەلایەن بانکە ناوەندییەکانی جیهان و وڵاتان هەیە بۆ وەبەرهێنان کردن لە زێڕ، بەڵام بابەتەکە بەستراوەتەوە بە چەند پرسێکی سیاسی و گۆڕانە ئابوورییەکان و ئەو دۆخەی جیهانی پێدا دەڕوات. بۆیە پێشبینیکردنی ئەم بابەتە سەختە، بەڵام هەندێک لە ئاماژە ئابوورییەکان بۆ ئەوە دەچن کە ئاراستەی گشتی بەرەو بەرزبوونەوەیە.