ئابووری
یەکێکی دیکە لە هۆکارەکانی دابەزینی نرخی بەنزین دەگەڕێتەوە بۆ ئەو بەنزینە زۆرەی لە ئێرانەوە هاوردە دەکرێت
رووداو- سلێمانی
لە پارێزگای سلێمانی نرخی بەنزین دادەبەزێت هۆکارەکەشی بۆ بۆرسەی جیهانی و هاوردەکردنی بڕێکی زۆری بەنزین لە ئێرانەوە دەگەڕێتەوە.
بەهمەن شێخ قادر، گوتەبێژی ئەنجوومەنی بەنزینخانەکانی پارێزگای سلێمانی بە تۆڕی میدیایی رووداوی راگەیاند"بەهۆی گۆڕانکاری بەسەر بۆرسەی جیهانیدا نرخی بەنزینی سوپەر و محەسەن 50 دینار و بەنزینی نۆڕماڵیش 25 دینار دابەزیوە".
بەهمەن شێخ قادر دەڵێت: " یەکێکی دیکە لە هۆکارەکانی دابەزینی نرخی بەنزین دەگەڕێتەوە بۆ ئەو بەنزینە زۆرەی لە ئێرانەوە هاوردە دەکرێت بۆ هەرێمی کوردستان، بەتایبەتی پارێزگای سلێمانی".
زیاتر لە 10 مانگە نرخی بەنزین کەمکراوەتەوە بۆ نزیکەی 700 دینار و لەو ماوەیەدا هیچ گۆڕانکارییەکی دیکەی بە خۆیەوە نەبینیوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ