رووداو دیجیتاڵ
'نهێنییەکانی پیاوان.. پێویستە هەموو ژنێک بیزانێت، نهێنییەکانی ژنان.. پێویستە هەموو پیاوێک بیزانێت'، کتێبکی نوێی زانا خەلیل، نووسەر و وەرگێڕە بە زمانی کوردی و عەرەبی و بەم دواییە کەوتە بەر دیدی خوێنەران.
زانا خەلیل، بە تۆڕی میدیایی رووداوی راگەیاند، کتێبەکە حیکمەت و ئەفۆریزمی فەیلەسوف و بیرمەند و نووسەران لەبارەی ژن و پیاوانەوە لەخۆدەگرێت، بە چەند رستەیەکی کورت بۆچوونی تەواوی خۆیان لەبارەیانەوە دەربڕیوە. گوتیشی: "کتێبەکە دوو بەشە، بەشێکی حیکمەتی فەیلەسوفانە لەبارەی پیاوانەوە، بەشەکەی دیکەیشی لەبارەی ژنانە".
ئاماژەی بۆ ئەوەشکرد، کتێبەکە بە هەردوو زمانی عەرەبی و کوردییە، سەرەتا تێکستەکانی لە زمانی عەرەبییەوە هەڵبژاردووە و کوردوویەتی بە کوردی و لە کتێبەکەدا لە ژێر تێکستە عەرەبییەکاندا، وەرگێڕانە کوردییەکەی دانراوە.
'نهێنییەکانی پیاوان.. پێویستە هەموو ژنێک بیزانێت، نهێنییەکانی ژنان.. پێویستە هەموو پیاوێک بیزانێت' لەلایەن خانەی کلتوور، لە 170 لاپەڕەی قەبارە مامناوەندا چاپ و بڵاوکراوەتەوە.
زانا خەلیل، شاعیر و رۆمانووسە، لە پاڵ چاپ و بڵاوکردنەوەی بەرهەمە ئەدەبییەکانی، چەند بەرهەمێکی لە زمانی عەرەبییەوە کردووەتە کوردی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ