هونەرمەند دەروون سەعید
رووداو دیجیتاڵ
دەروون سەعید، پزیشکی ددانە و مامۆستای زانکۆیە لەو بوارەدا و ژەماری ئامێری کەمانچەیە، بەڵام حەز و خولیای بۆ هونەر و میوزیک هەیە و بەرهەمێکی نوێی میوزیکی بڵاوکردووەتەوە.
ئەم بەرهەمە میوزیکێکی کوردی و ماشۆپێکی ئازەری لەخۆدەگرێت و ماشۆپەکە بریتییە لە چەند ئاوازێکی فۆلکلۆری ئازەری.
کاری دابەشکردنی ئەم بەرهەمە لەلایەن هونەرمەند زانا عەبدوڵڵاهی کراوە و میکس و ماسترینگی لەلایەن ئارتین عەبدوڵڵاهی کراوە.
زانا عەدبوڵڵاهی، بە تۆڕی میدیایی رووداوی راگەیاند، دیمەنی ڤیدیۆکلیپەکە لە نێو سرووشتی قەزای ماوەتی باشووری کوردستان وێنەگیراوە و بەرهەمەکە لە یوتیوب و پلاتفۆڕمە دیجیتاڵییەکان بڵاوکراوەتەوە.
بەشی بەرهەمهێنانی زێد ئەی کاری دەرهێنانی بۆ ڤیدیۆکلیپەکە کردووە و لە وێنەگرتنی شوان جەبارە و لیلی قەنبەری کاری رەنگی بۆ کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ