مۆزەخانەی هونەری ئیسلامی لە قەتەر
رووداو دیجیتاڵ
لە لاپەڕە دێرینەکانی کتێبی قورئانی پیرۆزەوە کە بە دەست نووسراون، تا دەگاتە خشڵ، گۆزە، جلی سوارچاکی و سەربازیی بە دیزاینی ئیسلامی، لە مۆزەخانەی هونەری ئیسلامی لە قەتەر دەبینرێن.
لە دەوحەی پایتەختی قەتەرە و لەگەڵ نزیکبوونەوەی مۆندیالی 2022، مۆزەخانەکە دووبارە کراوەتەوە، دوای ئەوەی کە بە مەبەستی نۆژەنکردنەوە، بۆ ماوەی 18 مانگ داخرابوو.
جوڵیا گۆنێلا، بەڕێوەبەری مۆزەخانەی هونەری ئیسلامی رایگەیاند:
"ئێمە خاوەنی گەورەترین مۆزەخانەی هونەری ئیسلامین لە ناوچەکە یاخود بە بڕوای من لە سەرانسەری جیهاندا. ئێمە لە نێوەڕاستی جیهانی عەرەبیداین".
مۆزەخانەکە خۆی ئامادە کردووە بۆ ئەوەی کولتوور و مێژووی 14 سەدەی ئیسلام پێشانی ئەو گەشتیارانە بدات کە بە بۆنەی مۆندیال سەردانی قەتەر دەکەن، لە کاتێکدا چاوەڕێ دەکرێت 1.2 ملیۆن کەس بە مەبەستی تەماشەکردنی یارییەکان و چێژبینین لە کەشی مۆندیال، روو لەو وڵاتە بکەن.
بەڕێوەبەری مۆزەخانە ئاماژەی بۆ ئەوەشکرد: "ئێمە مێژوومان پێشانداوە، کولتوورەکانمان پێشانداون، بۆیە هەر وا سەیری هیچ کەلوپەلێک ناکەین، بەڵکو سەیری ئەوە دەکەین لە کوێوە هاتووە، چ مێژووێکی لە پشتەوەیە، لە کوێ و بۆ چ مەبەستێک بەرهەمهێنراوە و چۆن بەکارهێنراوە".
مۆزەخانە پێنج نهۆمییەکە لە لایەن مینگ پەی، ئەندازیاری ناسراوی ئەمریکیی سەدەی بیستەم، لەسەر دوورگەیەکی دەستکردی تایبەت بونیادنراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ