ڤالا سەردا لەگەڵ گرووپی "RDR"
رووداو دیجیتاڵ
گرووپی میوزیکی "RDR" سێیەم کاری هاوبەشی لەگەڵ هونەرمەند ڤالا سەردار بڵاودەکاتەوە، ئەویش دووبارە گوتنەوەی گۆرانیی "ئازیزم بۆچی تۆراوی"یە.
پێشتر هەردوو هونەرمەند مەرزیە فەریقی و لەیلا فەریقی گۆرانییەکەیان گوتوویانە، دواتر ژمارەیەکی زۆر لە هونەرمەندان ئەو گۆرانییانەیان دووبارە گوتووەتەوە.
گرووپی "RDR" بە دابەشكردن و میوزیکێکی نوێ گۆرانیی "ئازیزم بۆچی تۆراوی" بۆ ڤالا سەردار ئامادەکردووەتەوە و بەشێوەی ئاکۆستیک تۆمار و بڵاوکراوەتەوە.
دیەم جەلال، سەرۆکی گرووپەکە کاری میوزیکی بۆ گۆرانییەکە کردووەتەوە و بە رووداوی راگەیاند، ئەمە دەبێتە سێیەم کاری هاوبەشی ئاکۆستیکیان لەگەڵ ڤالا سەردار و کاری دیکەی ئاکۆستیکیان بەدەستەوەیە و بۆ ژمارەیەک هونەرمەندی دیکەی دەکەن.
ڤالا سەردار، پێشتر گۆرانیی "أنا لحبيبي"ـی فەیروز، هونەرمەندی ناسراوی لوبنانی و گۆرانیی "في حزن وسع المدى"ـی مەیادە بسیلیس، هونەرمەندی سووری لەگەڵ گرووپی "RDR"ـی کەڤەرکردووەتەوە.
بەم دواییە گرووپەکە میوزیکی وەرزی دووەمی زنجیرەی "Squid Game" بە شێوازێکی رۆژهەڵاتییانە ژەنیوە و لە ڤیدیۆکلیپی بڵاوکردەوە. بەر لەو بەرهەمەش، میوزیکی وەرزی یەکەمی زنجیرەکەیان ژەنیوە و زیاتر لە پێنج ملیۆن بینەری لە یوتیوب هەیە.
گرووپەکە میوزیکی چەندین بەرهەمی دیکەیان کەڤەرکردووەتەوە، لەوانەش یاریی ڤیدیۆیی "God of War" و ئامێری میوزیکیی رۆژهەڵاتیانەی تێدا بەکارهاتووە.
"ئاڕ دی ئاڕ - RDR" لە 2014 دامەزراوە، تاوەکو ئێستا 14 بەرهەمیان بەشێوەی دەنگ و ڤیدیۆکلیپ هەیە و لە پێنج ئەندام پێکهاتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ