رووداو دیجیتاڵ
لە پێشانگەیەکی شێوەکاریدا و لە چوارچێوەی پڕۆژەی 'هێلان'ـدا، نوێترین ئەزموونی شێوەکار ساکار فاروق خرایەڕوو و ژن کارەکتەری سەرەکیی نێو تابلۆکانە.
پێشانگەکە ئیوارەی دوێنێ شەممە 8ـی تەممووزی 2023 لە گەلەری فرێمینگ کرایەوە و ژمارەیەک بەرپرس، هونەرمەند و رۆشنبیر ئامادەی بوون و بڕیارە بۆ ماوەی یەک هەفتە بەردەوام بێت.
ساکار فاروق، پێشتر لە چەندین پێشانگە و پڕۆژەی هونەری و وۆرکشۆپ لە سەرانسەری جیهاندا بەشداربووە، کارەکانی بەرجەستەی ئەو شەڕە ناسنامەییە بەردەوامەیە کە لە کۆمەڵگەدا رووبەڕووی ژن دەبێتەوە.
ساکار فاروق، بە تۆڕی میدیایی رووداوی راگەیاند، هەریەک لە تابلۆکانی چیرۆکێکە و باس لە ژنان دەکات و خۆیشی لە بەشێک لە تابلۆکانیدا هەیە.
پڕۆژەی 'هێلان' ماوەی دوو ساڵە لەلایەن پەیمانگەی گۆتەی ئەڵمانی لە عێراق، فێرگەی فرێمینگ بۆ وێنەی رۆژنامەوانی و گەلەری سێڤ سازدەکرێت و چالاکی جیا جیای کولتووری و هونەری لەخۆدەگرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ