عامر باجو و ئەنوەر نایف
رووداو دیجیتاڵ
عامر باجو و ئەنوەر نایف، دوو گۆرانیبێژی کوردی ئێزدینە و بەرهەمێکی هاوبەشیان بەناوی "نارینک" بڵاوکردەوە کە لە فۆلکلۆری دەڤەری شنگالە.
عامر باجو بە رووداوی رایگەیاند، تێکست و ئاوازی گۆرانیی "نارینک" گرێدراوی کولتوور و کۆمەڵگەی دەڤەری شنگالە، دابەشکردنی میوزیکی لەلایەن رێناس کورداخ و میکس و ماسترینگی لەلایەن سەمیر حوسێن کراوە.
ئاماژەی بۆ ئەوەشکرد، ئەم بەرهەمە جوانە لە دەرهێنانی ئیسماعیل خودێدا، دەرهێنەری لێهاتووە. گوتیشی، لە داهاتوودا کار لەسەر بەرهەمی دیکەی فلکلۆری شنگال دەکەن.
ڤیدیۆکلیپی "نارینک" بە پاڵپشتیی ماڵی ئێزدیان لە ئۆڵدنبۆرگی ئەڵمانیا بەرهەمهێنراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ