نانسی عەجرەم، هونەرمەندی لوبنانی
رووداو دیجیتاڵ
لە درێژەی زنجیرە کۆنسێرت و شەوەئاهەنگەکانی نانسی عەجرەم، هونەرمەندی لوبنانی، بڕیارە ئەمجارە شەوەئاهەنگێک لە هەولێر سازبکات.
وائیل ئەحمەد، رێکخەری کۆنسێرتەکە، بە رووداوی راگەیاند، لە درێژە کۆنسێرت و شەوەئاهەنگەکانیاندا بۆ هونەرمەندانی کورد و بیانی، ئەمجارە، شەوەئاهەنگێک بۆ نانسی عەجرەم، هونەرمەندی ناسراوی لوبنانی لە هەولێر دەگێڕێن.
ئاماژەی بۆ ئەوەشکرد، شەوەئاهەنگەکە لە 16ـی تشرینی دووەمی 2023 سازدەکرێت، تێیدا هونەرمەند گوڵبژێرێک لە بەرهەمە کۆن و نوێیەکانی پێشکێش بە هەوادارانی لە هەولێر دەکات.
'تجي ننبسط' نوێترین ڤیدیۆکلیپی نانسی عەجرەمە کە لە 8ـی ئابی 2023 بڵاوکرایەوە و زیاتر لە 12 ملیۆن بینەری لە یوتیوب هەیە.
نانسی عەجرەم لە 2011 بۆ یەکەمجار سەردانی باشووری کوردستانی کرد و کۆنسێرتێکی لە هەولێر سازکرد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ