رووداو دیجیتاڵ
فێستیڤاڵی میوزیکی تۆمۆرۆلاند لە بەلجیکا دەستیپێکرد، ئەمە لە کاتێکدایە کە تەنیا دوو رۆژ پێشتر شانۆی سەرەکیی فێستیڤاڵەکەی سووتا و گومانی لەسەر بەڕێوەچوونی یەکێک لە گەورەترین ئاهەنگەکانی هاوینی ئەورووپا دروستکردبوو.
کرێکاران بە درێژایی شەو و رۆژ کاریان کرد بۆ لابردنی پاشماوەکانی شانۆ سووتاوەکە کە رۆژی چوارشەممە 16ـی تەممووزی 2025 بەهۆی ئاگرکەوتنەوە زیانی پێگەیشتبوو.
گرووپی میوزیکی ئوسترالی نێرڤۆ یەکەم کۆنسێرتی فێستیڤاڵەکەی پێشکێشکرد، سەرەڕای ئەوەی لە پشتیانەوە ئاسەواری ئاگرەکە بە دی دەکرا.
ئێریکا فریشەر لە ئەڵمانیاوە هاتبووە فێستیڤاڵەکە و گوتی: "ئەوەی لە ماوەی دوو رۆژدا ئەنجامیان داوە، باوەڕپێنەکراوە."
رێکخەرانی فێستیڤالەکە رایانگەیاند، زیانی گیانی بەهۆی ئاگرکەوتنەوەکە نەبووە و لێکۆڵینەوە لە هۆکارەکانی بەردەوامە.
فێستیڤاڵەکە ساڵانەیە و چەند رۆژێک لە دەرەوەی شاری بوومی بەلجیکی دەخایەنێت، سەتان هەزار کەس لە سەرانسەری جیهانەوە بەشداری تێدا دەکەن. گوتەبێژێکی فێستیڤاڵەکە رایگەیاند، تەنیا رۆژی هەینی 18ـی تەممووز نزیکەی 38 هەزار کەس لە شوێنی فێستیڤاڵەکە خێمەیان هەڵدابوو.
.jpg "فێستیڤاڵی میوزیکی تۆمۆرۆلاند")
.jpg "ساتی سووتانی شانۆی فێستیڤاڵی میوزیکی تۆمۆرۆلاند")
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ