رووداو دیجیتاڵ
گرووپی کچانی کەی-پۆپ "ئایڤ-IVE" کە بە گۆرانییەکانی "Lovr Dive" و "After Like" ناسراوە، رایگەیاند، کاردانەوەی هەوادارەکانیان لە ئەمریکا ئەوە دەخاتەڕوو کە چەندە ئەم چەشنە میوزیکە لە ئاستی نێودەوڵەتیدا ناوبانگی پەیداکردووە.
گایۆل، یەکێک لە ئەندامانی گرووپەکە، گوتی: "هەوادارەکانمان بە شێوەیەکی زۆر باش گۆرانییەکانیان لەگەڵ دەگوتینەوە. بۆیە زۆر سەرسام بووین و وامان بیرکردەوە، کەی-پۆپ لێرە زۆر بڵاوبووەتەوە. زۆر سوپاسگوزار بووم کە خەڵکی زیاتر ئایڤ دەناسن و خۆشیان دەوێت".
ئەندامانی گرووپە شەش کەسییەکە باسیان لە گرنگیی متمانەبەخۆبوون و کاری تیمی لە نمایشەکانیاندا کرد.
لیسۆ، ئەندامێکی دیکەی گرووپەکە، گوتی: "پێم وایە متمانەبەخۆبوون لە خۆشویستنی خودەوە سەرچاوە دەگرێت. ناسنامەی تیمەکەمان و هەستی تاکەکەسیی ئێمە وا دەکات هەست بکەین خۆمانمان خۆش دەوێت. لێرەوە متمانەبەخۆبوون دروست دەبێت".
جانگ وۆن-یۆنگ، جەختی لەسەر پەیوەندیی دوولایەنەی نێوان هەواداران و هونەرمەندان کردەوە و گوتی: "ئێمە بەردەوام هەست بە پەیوەندییەکی بەهێز لەنێوان خۆمان و هەوادارانماندا دەکەین لە کاتی نمایشکردن لەسەر شانۆ یان ئەنجامدانی کارەکانمان. پێم وایە ئەمە بەشێکی زۆر ئاشکرایە کە ئێمە بەڕاستی هەوادارانمان خۆش دەوێت، ئەوانیش بەردەوام خۆشەویستی و پشتگیریمان پێ دەدەن، بۆیە بەڵێ، ئێمە هەست بە پەیوەندییەکی زۆر بەهێز دەکەین و بە مانای وشە، بەبێ ئەوان هیچ شتێک ناتوانین بکەین."
.jpg "گرووپی کەی پۆپی \"ئایڤ\"")
یەکەم گەشتی هونەریی گرووپەکە بەناوی "Show What I Have" لە 2024 لە ئەمریکا بوو و لە شەش شاری جیاوازی ئەو وڵاتە بەڕێوەچوو، تێیدا گۆرانییەکانی هەردوو ئەلبوومی "I've Mine" و "IVE Switch"ـیان پێشکێشکرد. دوایین کۆنسێرتی بەم دواییە لە شاری نیوارک بوو لە نیوجێرسی.
.jpg "گرووپی کەی پۆپی \"ئایڤ\"")
بڕیارە چوارەم کورتە ئەلبوومی گرووپەکە بە ناوی "Ive Secret" لە 25ـی ئابی 2025 بڵاوبکرێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ