دیمەنێک لە ڤیدیۆکلیپی "نەفرەت"
رووداو دیجیتاڵ
کارۆخ شوانی چیرۆکی راستەقینەی ژیانی دەکاتە گۆرانی و بەناونیشانی "نەفرەت" بڵاوی دەکاتەوە.
کارۆخ شوانی، بە رووداوی راگەیاند، لەم بەرهەمەدا جگە لە گۆرانیگتون، تێکستی گۆرانییەکەیشی نووسیوە و لە ئاوازی رێدوان سنجاوییە و جێگر سەباح دابەشکردنی میوزیک بۆ کردووە. گوتیشی، ناوەڕۆکێکی خۆشەویستی هەیە و باس لە چیرۆکێکی راستەقینەی ژیانی خۆی دەکات.
ئاماژەی بۆ ئەوەشکرد، ئەمە یەکەم بەرهەمیەتی بڵاوی دەکاتەوە و لە 2014ـەوە تێکستی گۆرانی دەنووسێت و ئاوازی داناوە. روونیشیکردەوە، تێکست و ئاوازی گۆرانییەکە لە 2019 ئامادەکراوە و ئێستا بڵاوی دەکاتەوە.
ڤیدیۆکلیپی گۆرانییەکە لە سلێمانی لەلایەن هەڤاڵ دلێر وێنەگیراوە و لە دەرهێنانی ئاودێر عومەرە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ