رووداو دیجیتاڵ
کورتەفیلمی بەریتانی (The Last Gasp - دوا هەناسە) کە تیشک دەخاتە سەر مردنی خەڵک؛ گوایە بەهۆی سووتانی غازی کۆمپانیا نەوتییەکان لە عێراق روودەدەن، دوو خەڵاتی لە فێستیڤاڵێکی نێودەوڵەتیدا بەدەستهێنا. فیلمەکە لە چیرۆکی جووتیارێکی عێراقییەوە وەرگیراوە، ئەکتەرێکی کوردیش بە ناوی ئاسۆ شێرەبەیانی تێیدا بەشدارە.
بەپێی راگەێندراوێکی بەشی راگەیاندنی فیلمەکە کە بۆ رووداو نێردراوە، فیلمەکە رۆژی یەکشەممە 16ـی تشرینی دووەمی 2025، لە فێستیڤاڵی نێودەوڵەتیی فیلمی فۆنیکس رایزینگ لە لەندەن، خەڵاتی باشترین دەستەی نواندن و باشترین کاریگەری پێبەخشرا.
چیرۆکی فیلمەکە لەبارەی کەسایەتییەک بەناوی حوسێن جلود، کە گوندنشینێکی عێراقییە و سکاڵای یاسایی دژی کۆمپانیای نەوتیی (بی پی - BP) تۆمارکردووە لەبارەی گیانلەدەستدانی کوڕەکەی، عەلی. رۆژنامەی (زە تایمز)ـی بەریتانی بڵاوی کردەوە، عەلی لە 2023 بە نەخۆشیی شێرپەنجەی خوێن (لۆکیمیا) کۆچی دوایی کردووە، باوکیشی دەڵێت، هۆکارەکەی سووتانی ئەو غازە بووە کە لە نزیک ماڵەکەیانەوە لە ناوچەی رومێلا کراوە.
سێر دەیڤید سوشێت، ئەکتەری بەریتانی رۆڵی سەرەکی لە فیلمەکەدا دەگێڕێت کە رۆڵی کارەکتەری خاوەن پشکێکی یەکێک لە کۆمپانیا نەوتییەکانە. هەر لە فیلمەکەدا ئاسۆ شێرەبەیانی، ئەکتەری کورد رۆڵی تێدا دەگێڕێت و تۆم چۆلمۆندلی، نووسەر و دەرهێنەریەتی.
.jpg "کاتی وێنەگرتنی فیلمی (The Last Gasp)")
.jpg "کاتی وێنەگرتنی فیلمی (The Last Gasp)")
.jpg "کاتی وێنەگرتنی فیلمی (The Last Gasp)")
.jpg "دیمەنێک لە فیلمی (دوا هەناسە)")
.jpg "دیمەنێک لە فیلمی (دوا هەناسە)")
.jpg "کاتی وێنەگرتنی فیلمی (The Last Gasp)")
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ