هەڵەیەک روویدا! دووبارە هەوڵبدە
یاڤوز بینگۆل لە
رووداو دیجیتاڵ
هونەرمەند یاڤوز بینگۆل گۆرانی بۆ زیانبەرکەوتووانی بوومەلەرزەی باکووری کوردستان دەڵێت؛ بینگۆل دەڵێ لەسەر ئەم کۆنسێرتانەی بەردەوام دەبێت.
یاڤوز بینگۆل، هونەرمەند لەبارەی کۆنسێرتەکە رایگەیاند: "ئەمڕۆ لە مەلەتێین و هاتووینەتە کۆنتەینەری زیانبەرکەوتووان. سبەی دەڕۆینە عەنتاب و دواتریش ئورفا، ئادیەمان؛ ئامانجمان کەمکردنەوەی ئازاری ئەو خەڵکەیە کە کەسوکاریان لەدەستداوە، چونکە ژیان بەردەوامە".
لە بوومەلەرزەکەی 6ی شوباتی 2023، یاڤوز بینگۆل چەندین کۆنسێرت و بەرنامەی جیاوازی هەبووە.
بینگۆل، هەروەها ئاماژەی بۆ ئەوەکرد: "ئەو کاتیش جارێک هاتمە ئێرە، بەڵام زیاتر لە مەرەش و هاتای بووم. لەو دوو شارەدا ماوەی 60-70 رۆژ خێوەتی هونەریم هەڵدا. ئەوکاتە زیاتر گرنگیمان بە منداڵان دا لە رێگەی فیلم کارتۆنی و بەرهەمی سینەمایی".
یاڤوز بینگۆل زیاتر گۆرانییە فۆلکلۆرییەکان دەڵێت، ئەو گۆرانییانەی تێکەڵ بە خوێنی خەڵکن و بەردەوام لەسەر زمانیانن.
یاڤوز بینگۆل، لە 1964 لە ئیستەنبووڵ لەدایکبووە، تورکمانە و بە رەچەڵەک خەڵکی قەرسی باکووری کوردستانە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ