یەکێک لە تابلۆکانی پێشانگەی (شوێنپێیەکانی میزۆپۆتامیا)
رووداو دیجیتاڵ
لە سووری ئامەدی باکووری کوردستان، پێشانگەیەکی شێوەکاری بە ناوی "شوێنپێیەکانی میزۆپۆتامیا" کرایەوە و بەرهەمەی حەوت شێوەکار خرانەڕوو.
پێشانگەکە لە کەنیسەی ئەرمەنییەکانی سوورپ گیراگۆس کرایەوە، تێیدا بەرهەمی چەندین حەوت شێوەکار لە سێ وڵاتی جیاواز نمایشکراون.
میرای هاڤین فیدانبۆی، سەرپەرشتیاری پێشانگەکە رایگەیاند: "بە گشتی حەوت هونەرمەند و 17 بەرهەم هەیە. ماوەی دوو رۆژە لە ئامەد کار دەکەین و بە شارەکەدا دەگەڕێین". گوتیشی: "بەرهەمەکانمان رەنگدانەوەی کولتوور و کەلەپووری ئامەد و ئەو رووداوانەن کە تێیدا روویانداوە".
کەمال ئولوسۆی، یەکێک لە ئامادەبووانی پێشانگەکە داوای بەردەوامبوونی پێشانگە هونەرییەکان دەکات و گوتی: "ئەم شوێنە مێژووی هەزار ساڵی هەیە. بەڕاستی پێویستە هەموو کەسێک ئەم کارە بکات، ئەگەر خاوەندارێتی ئەم شوێنە بکەیت، ئەوا لە هەمان کاتدا خاوەندارێتی لە کولتووری خۆت و مرۆڤایەتیش دەکەیت".
پێشانگەی (شوێنپێیەکانی میزۆپۆتامیا) تەنیا بە باکووری کوردستانەوە سنووردار نابێت و بڕیارە لە داهاتوودا لە ئەنقەرە و ئەنتاڵیاش بکرێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ