رووداو- سلێمانی
هونەرمەندی گۆرانیبێژ هەردی سەلامی زنجیرەیەک کۆنسێرت لە هەریمی کوردستان ئەنجامدەدات و بەرهەمێکی نوێش بڵاودەکاتەوە.
هەردی سەلامی بە تۆڕی میدیایی رووداوی راگەیاند "بەگوێرەی ئەو پلانەی دامناوە، لە مانگی تشرینی یەکەمی ئەمساڵ زنجیرە کۆنسێرتێک لە هەولێر، سلێمانی و کەرکووک سازدەکەم".
لەبارەی کاری نوێی، ئەو هونەرمەندە گوتی "بەرهەمێکی نوێم بەناوی (دانە دانە) ئامادەیە و بەمزوانە بڵاودەبێتەوە، بەڵام هێشتا بڕیارم نەداوە کاری ڤیدیۆ کلیپی بۆبکەم.
ئاواز و تێکستی بەرهەمی دانە دانە، هی هەردی سەلامی خۆیەتی و ئەفشین شوکری کاری میوزیک و ئەرەینجمێنتی بۆ کردووە.
هەردی سەلامی لە ساڵی 1987 لە شاری سلێمانی لەدایکبووە، دەرچووی بەشی شانۆیە لە پەیمانگەی هونەرەجوانەکانی سلێمانی، سەرەتا وەک دەرهێنەر کاری کردووە و ئێستا خاوەنی چەندین گۆرانی و ڤیدیۆکلیپە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ