کۆنسێرتی گرووپی کیانی سلێمانی لە ئەیلوولی 2022
رووداو دیجیتاڵ
گرووپی کیژانی سلێمانی بەرهەمی کۆنسێرتەکانی بەشێوەی تراک لە کەناڵی تایبەتی هونەرمەند ئەنوەر قەرەداخی لە یوتیوب بڵاوکردووەتەوە، بەتایبەتیش دوایین کۆنسێرتیان لە مانگی رابردوو و بەنیازی سازکردنی زنجیرە کۆنسێرتەکە.
ئەنوەر قەرەداخی، سەرۆکی گرووپەکە، بە تۆڕی میدیایی رووداوی راگەیاند، بەشێک لە تراکی گۆرانیی کۆنسێرتەکانییان بڵاوکردووەتەوە و بەنیازن چەند تراکێکی دیکەش لە داهاتوودا بڵاوبکاتەوە.
گرووپی کیژانی سلێمانی لە 7ـی کانوونی دووەمی 2023 لە هۆڵی رۆشنبیری سلێمانی کۆنسێرتێکی سازکرد و بڕیارە کۆنسێرتەکە لە چەند شارێکی دیکەی باشووری کوردستان سازبکرێت.
قەرەداخی، ئاماژەی بۆ ئەوەکرد، بڕیاربوو لە دوای سلێمانی کۆنسێرتەکە لە هەولێر، کەرکووک، هەڵەبجە و دەربەندیخان سازبکەن، بەڵام بەهۆی بوومەلەرزەکەی ئەم دواییە ئەو پلانە دواخراوە.
لە دوایین کۆنسێرتی گرووپەکەدا، جگە لە هونەرمەندانی کچ و دەنگ و رووخساری نوێ، هەردوو هونەرمەند حەمەرەئووف کەرکووکی و پێشەنگ غەفوور تێیدا بەشداربوون و 11 بەرهەم پێشکێشکران.
لەو تراکانەی بڵاوکراوەنەتەوە، گۆرانی 'گیان گیان' بە دەنگی نیگار حەمەلاو و گۆرانی 'خەجێی خەجان' بە دەنگی حەمەرەئووف کەرکووکی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ