دیمەنێک لە شانۆگەریی "ئەوەم بەسەرهاتییە"
رووداو دیجیتاڵ
"ئەوەم بەسەرهاتییە" بەرهەمێکی نوێی شانۆییە لە دەرهێنانی هیوا سوعاد یونس و بڕیارە لە شەوانی رەمەزاندا لە هەولێر نمایشبکرێت.
هیوا سوعاد یونس، دەرهێنەری شانۆگەرییەکە و بەڕێوەبەری شانۆی هەولێر، بە تۆڕی میدیایی رووداوی راگەیاند، ئەم بەرهەمە شانۆییە پێشتر بە زمانی دیکە نمایشکراوە و خۆی پێشتر لە ئەڵمانیا و میسر بینیویەتی. گوتیشی، شانۆگەرییەکە ناوەڕۆکێکی کۆمەڵایەتی و دەروونناسیی هەیە.
ئاماژەی بۆ ئەوەشکرد، دوای سێ ساڵ لە وەستانی چالاکییەکانی بەڕێوەبەرایەتیی شانۆی هەولێر، بەم بەرهەمە دەست بە چالاکییەکانیان دەکەنەوە. هیوای ئەوەشی خواست، دووبارە دەست بە چالاکی شانۆیی بکرێتەوە و بینەران روو لە هۆڵە شانۆییەکان بکەنەوە و پاڵپشتی لە هونەری کوردی بکەن.
شانۆگەرییەکە لەلایەن بەڕێوەبەرایەتیی هونەری شانۆی هەولێر، لقی هەولێری سەندیکای هونەرمەندانی کوردستان و بە هاوکاری پارێزگای هەولێر نمایشدەکرێت.
نمایشی "ئەوەم بەسەرهاتییە" بە بلیتە و لە 27ـی ئاداری 2024 دەستپێدەکات و شەوانە کاژێر 9:30ـی شەو لە هۆڵی میدیای هەولێر پێشکێش دەکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ