رووداو دیجیتاڵ
گرووپی میوزیکی مێرۆر، لە چوارچێوەی گەشتە هونەرییەکەیدا، کۆنسێرتێکی بۆ هۆگرانی لە هۆنگ کۆنگ دەگێڕێت.
بڕیارە ئەو گرووپە میوزیکییەی هۆنگ کۆنگ، سبەی 31-7-2022 کۆنسێرتێک سازبکات و لە 2 و 6 مانگی داهاتووش دوو کۆنسێرتی دیکە لە هۆنگ کۆنگ سازدەکات.
دوا کۆنسێرتی ئەو گرووپە لە گەشتە هونەرییەکەدا هەفتەی رابردوو لە یاریگەری هۆنگ کۆنگ بە ئامادەبوونی ژمارەیەکی زۆر لە هۆگرانیان بەڕێوەچوو و گوڵبژێرێک لە گۆرانییە بەناوبانگەکانیان پێشکێشکرد.
بەشێک لە ئامادەبووانی کۆنسێرتەکە ئاماژەیان بۆ ئەوەکرد، بەهۆی داخوازی زۆر لەسەر بلیتی کۆنسێرتەکە، لەرێگەی تیروپشکەوە بلیتیان بەدەستهێنا.
گرووپی مێرۆر، لە کاتی بڵاوبوونەوەی ڤایرۆسی کۆرۆنا لە هۆنگ کۆنگ، ناوبانگییەکی زۆری بەدەستهێنا، چونکە توانیان چەند کۆنسێرتێک سازبکەن، لە کاتێکدا بەهۆی ئەو ڤایرۆسەوە زۆربەی چالاکییە هونەرییەکان وەستابوون.
گرووپی مێرۆر، لە 12 ئەندام پێکهاتووە و لە 2018 دامەزراوە و لە رێگەی بەرنامەیەکی بەهرەمەندانەوە ناوبانگی پەیداکرد، یەکەم بەرهەمی بەناوی 'In a Second' لە 3-11-2018 بڵاوکردەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ