مەزهەر خالقی و چیا مەدەنی
رووداو دیجیتاڵ
چیا مەدەنی، هونەرمەندی رۆژهەڵاتی کوردستان، بەرهەمێکی میوزیکی بەناوی 'ئیشقی وڵات' بەشێوەی ڤیدیۆکلیپ بڵاوکردەوە.
'ئیشقی وڵات' یەکێک لە گۆرانییەکانی هونەرمەند مەزهەر خاڵقییە و لەلایەن هونەرمەند چیا مەدەنی میوزیکەکەی کەڤرکراوەتەوە و دابەشکردنێکی نوێی میوزیکی بۆ کراوە.
چیا مەدەنی لەبارەی ئەم بەرهەمە بە رووداوی راگەیاند، 'ئیشقی وڵات'، ئەوین و سۆزێکی خۆیەتی لە دوورە وڵاتەوە بۆ نیشتمان.
ئاماژەی بۆ ئەوەشکرد، دیمەنی ڤیدیۆکلیپەکە لە سوێد لەلایەن کوردە عومەر و دیمەنەکانی کوردستان لەلایەن هەڵمەت عومەرەوە وێنەگیراون و خۆیشی کاری دەرهێنان و مۆنتاژی بۆ کردووە.
چیا مەدەنی، کاری دابەشکردنی بۆ میوزیکەکە کردووە و ئامێری پیانۆی ژەنیوە و پەیام تۆنی، ئامێری ڤایۆلین و ڤیۆلای و کەریم قوربانی ئامیری چەلۆی ژەنیوە و ئومید راهرۆ، کاری میکس و ماسترینگی بۆ کردووە.
چیا مەدەنی، خەڵکی رۆژهەڵاتی کوردستانە و لە سوێد دەژی، وەک ئاوازدانەر، گۆرانیبێژ و دەرهێنەر بەرهەمی هەیە و خاوەنی چەند گۆرانی و ڤیدیۆکلیپێکە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ