هەڵەیەک روویدا! دووبارە هەوڵبدە
رووداو - تەندروستی
ئۆپرا وێنڤری، خانمه ئهستێرهی ئەمریکیی بواری راگهیاندن لەم دواییانە وێنەی خۆی لەنێو هۆڵێکی وەرزشی بڵاو کردەوە و بووە جێی سەرنجی هەوادارەکانی. ئەو دەڵێت، ''وەرزش بەساڵاچوونێکی تەندروستی بەدواوەدێت، بەتایبەت بۆ خانمان''.
ئۆپرا وێنفریی 72 ساڵ لە پۆستێکی سۆشیاڵ میدیاکانیدا باسی راهێنانی بەهێزی کردووە بۆ خانمان و بڵاوی کردووەتەوە، هەفتانە چوار بۆ پێنج رۆژ و هەر رۆژێکیش 40 بۆ 60 خولەک وەرزش دەکات.
ئەو خانمە بەنێوبانگە روونی کردووەتەوە، لەوکاتەوەی وەرزش دەکات هەستی بە بەهێزبوونی ماسوولکە و ئێسکەکانی کردووە، کە ئەمەش بۆ ئەو خانمانەی بۆ هەمیشەیی سووڕی مانگانەیان وەستاوە گرنگە، چونکە تێکچوونی هۆڕمۆنەکان ئەگەری پووکانەوەی ئێسک زیاد دەکەن.
هەر بۆیە باسی وەرزشێک دەکات کە پێی دەگوترێت Plank و دەڵێت: ساڵی 2024 دەمتوانی تەنیا 10 چرکە بوەستم، بەڵام ئێستا دەتوانم زیاتر لە خولەکێک بوەستم. هەروەها گوتی، ''ئەگەر کەسێک بیەوێت بە باشی بەساڵدا بچێت، بەتایبەت خانمان، دەبێت راهێنانی بەهێزکردنی ئێسک و ماسوولکە بکات''.
ئەم خانمە لەژێر راوێژی پزیشکی پسپۆڕ لە کۆتایی ساڵی 2023دا دەرمانی دژەقەڵەوی بەکارهێناوە و کێشی لە 107 کیلۆگرامەوە ئێستا بووە بە 72 کیلۆگرام. بەڵام لەگەڵیشیدا لە وەرزشی رۆژانە بەردەوامە و رێژیمێکی خۆراکی تەندروست پەیڕەو دەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ