رووداو - تەندروستی
توێژینەوەیەکی زانکۆی ماساچوسێتس لە ئەمریکا دەریدەخات، هەڵبژاردنی شێوازی ژیانی تەندروست مەترسیی تووشبوون بە نەخۆشییەکانی لەبیرچوونەوە، خەمۆکی و جەڵتەی مێشک کەمتردەکاتەوە.
لەم توێژینەوەیەدا زیاتر لە 355 هەزار کەس بەشداربوون و دەرکەوتووە، ئەوانەی شێوازی ژیانی تەندروست جێبەجێدەکەن ئەگەری تووشبوونیان بەم نەخۆشییانە بەڕێژەی 33٪ کەمدەبێتەوە.
د. لیدیس مارتینێز، سەرپەرشتیاری توێژینەوەکە دەڵێت، ''شێوازی ژیانی تەندروست پەیوەندی راستەوخۆی بە تەندروستیی مێشک هەیە و تووشبوون بە نەخۆشییە درێژخایەنەکان کەمدەکاتەوە''.
بە گوتەی ئەو پسپۆڕە ئامانەی خوارەوە شێوازی ژیانی تەندروستن؛
- بایەخدان بە خواردنی سەوزە و میوەکان.
- بایەخدان بە خواردنی خۆراکی دانەوێڵەی تەواو و بەرهەمە کەم چەورەکان.
- پڕۆتین لە ماسی، گۆشتی سوور، گۆشتی مریشک، هێلکە، تۆوی کەتان و گەنمەشامی بەدەستبهێندرێت.
- بڕێکی دیاریکراو کالۆریی رۆژانە بخورێت.
- سنووردارکردنی شەکر، چەوری و خۆراکە خێراکان.
- کەمکردنەوە و دوورکەوتنەوە لە کحول، خواردنەوە وزەبەخشەکان و خواردنەوە گازییەکان.
- خەوی باش
- بەهێزیی پەیوەندیی کۆمەڵایەتی
- جووڵەی رۆژانە و چالاکیی جەستەیی
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ