قاوە مەترسیی جەڵتەی دڵ و مێشک کەمدەکاتەوە

رووداو- دیجیتاڵ

توێژینەوەیەکی نوێی نێودەوڵەتی دەریخستووە، خواردنەوەی سێ کوپ قاوە رۆژانە، مەترسیی مردن بە جەڵتەی دڵ و مێشک کەمدەکاتەوە.

توێژینەوەکە سوودی وەرگرتووە لە داتای 468 هەزار کەس لە بەریتانیا و لە کۆبوونەوەی ساڵانەی دەستەی ئەوروپی پزیشکانی دڵ خراوەتەڕوو.

پزیشکانی بەریتانی بۆیان دەرکەوتووە رۆژانە خواردنەوەی سێ کوپ قاوە یارمەتیدەرە لە تەندروستهێشتنەوەی دڵ و مێشک و بەمەش مەترسیی جەڵتەی دڵ و مێشک کەمدەکاتەوە.

لە توێژینەوەکانی پێشووتریشدا هاتووە خواردنەوەی قاوە مەترسیی نەخۆشیی شەکرە، پارکینسۆن، نەخۆشییەکانی جگەر، شێرپەنجەی پرۆستات و ئەلزهایمەر کەمدەکاتەوە.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger