هەڵەیەک روویدا! دووبارە هەوڵبدە
رووداو - تەندروستی
خەڵکی شاری غەززە، باس لە بڵاوبوونەوەی بەربڵاوی مشک و جرج دەکەن، لەکاتێکدا ژیان لەنێو خێمەکانی ئاوارەییدا رۆژ بە رۆژ سەختتر دەبێت.
هەندێکیان مشک و جرج قەپیان لە دەست و قاچیان گرتوون، خوێنیان لێ رۆیشتووە و مەترسیی تووشبوون بە نەخۆشییان لەسەرە بەتایبەت ئەو هەوکردنانەی کە بەهۆیانەوە تووشیان دەبێت.
ئینشراح حەجاج، ژنێکی ئاوارەی تووشبوو بە شەکرەیە و لە چادرێکی سادەدا لە غەززە دەژی، جرج قەپی لێگرتووە و دەڵێت: پێش ئەوەی هاوین بێت، دەمانەوێت هاوکاری بکرێین، چونکە مشک و جرج تێکەڵ بە شوێنی نیشتەجێبوونمان بووە و منداڵ و بەساڵاچوومان هەیە''.
حوسنی موهەننا، گوتەبێژی شارەوانیی غەززە رایدەگەیێنێت، شاری غەززە بەنێو قەیرانێکی گەورەدا تێدەپەڕێت، بەشێوەیەک کە سیستمی ئاوەڕۆ و ژێرخانەکەی نزیکە بەتەواوی لەنێوبچن، ئەمەش بووەتە هۆی دروستبوونی ژینگەیەکی لەبار بۆ مشک و مێروو.
بەپێی شارەوانیی غەززە، لەکۆی 70 ملیۆن پاشماوەی داروپەردوو، زیاتر لە 25 ملیۆنیان ماون و هێشتا پاک نەکراونەتەوە.
سەتان هەزار فەلەستینی لە سەرانسەری غەززە، تەنانەت دوای گەیشتن بە رێککەوتنی ئاگربەستێکی ناسک لە مانگی تشرینی یەکەمدا، هێشتا لەنێو خێمەکاندا دەژین و لە هەوڵدان بۆ پاراستنی تەندروستییان، چونکە لە نزیک کەڵەکەی زبڵ و پاشماوەی رووخاو لە سەرانسەری کەرتەکەدا دەژین، لە کاتێکدا کەرەستەیەکی کەمیان بۆ پاککردنەوەی ئەو شوێنانە لەبەردەستدایە کە سەردەمانێک ناوچەی زیندوو و چڕی دانیشتووان بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ