رووداو - تەندروستی
توێژینەوەیەکی زانکۆی مشیگن لە ئەمریکا دەریدەخات، زۆرێک لە دایک و باوکان نیگەرانن لەوەی منداڵەکانیان بەڕادەی پێویست بەنێوبانگ نین یاخود هاوڕێیەتی دروست ناکەن.
تویژینەوەکە ئاماژە بەوەدەکات، نزیکەی یەک لە هەر پێنج دایک و باوکێک دەڵێن منداڵەکانیان لە تەمەنی شەش بۆ 12 ساڵی هیچ هاوڕێیەکیان نییە، نەگونجان، جیاوازی بیرۆکە و دابونەریتی خێزانی بە هۆکار دەزانن.
سارا کلارک، سەرپەرشتیاری توێژینەوەکە دەڵێت، ''لاوازی پەیوەندی دروستکردن لە داهاتوودا کاردەکاتە سەر ئاستی زیرەکی و توانای منداڵەکان لە گەیشتن بە ئامانجەکانیان''.
بەگوێرەی توێژینەوەکە، هاوڕێیەتی لە تەمەنی زوویی دەتوانێت رۆڵێکی بەرچاو بگێڕێت لە دەرووندروستی و گەشەکردنی هزری، هەروەها پەرە بە خۆشگوزەرانی سۆزداری و لێهاتوویی کۆمەڵایەتی دەدات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ