رووداو - تەندروستی
توێژینەوەیەکی زانکۆی کۆلۆرادۆ لە ئەمریکا دەریدەخات، بەرکەوتنی دووکەڵی ئاگر زیانی بۆ منداڵ زۆرە و ئەگەری تووشبوونیان بە نەخۆشییە دەروونییەکان زیاددەکات.
توێژینەوەکە ئاماژە بەوەدەکات، دووکەڵی ئاگر گەردیلەی قورس بڵاودەکاتەوە، بەرکەوتنی منداڵ بەم گەردیلانە دەبێتە هۆی زیادبوونی مەترسیی تووشبوونیان بە خەمۆکی و دڵەڕاوکێ لە تەمەنی زوودا.
هاری سمۆڵکەر، سەرپەرشتیاری توێژینەوەکە دەڵێت، '' ئەم گەردیلانەی هەوا ئەوەندە بچووکن توانای ئەوەیان هەیە بەربەستی خوێن و پەردەی مێشک تێبپەڕێنن و کاریگەرییان لەسەر مێشک هەبێت''.
بەگێرەی توێژینەوەکە. لەو رۆژانەی پیسبوونی ژینگە زۆرە، رێژەی نەخۆش لە نەخۆشخانەکان بەهۆی خەمۆکی، خۆکوشتن و نەخۆشییە دەروونییەکان زیاددەکات، هەروەها کاتێک خانمانی دووگیان بەرکەوتەی ئەم گەردیلە قورسانە دەبن، ئەگەری ئەوە زیاترە منداڵەکانیان لە دواتردا تووشی تێکچوونی هزریی ببن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ