هەڵەیەک روویدا! دووبارە هەوڵبدە
د. شلێر فایەق، پسپۆڕی نەخۆشییەکانی خانمان و منداڵبوون و بەڕێوەبەری نەخۆشخانەی فێرکاریی خانمان و منداڵبوونی سلێمانی. وێنە: رووداو
رووداو - تەندروستی
پسپۆڕێکی نەخۆشییەکانی خانمان و منداڵبوون ئاشکرای دەکات، خانمانی ئێستا دەتوانن چەندین منداڵیان ببێت و هیچ جیاوازییەکیان لەگەڵ خانمانی چەند دەیەیەک پێش ئێستا نییە، بەڵام شێوازی بیرکردنەوە وایکردووە کە لەم سەردەمەدا هاوژینان وەچەی کەم بخەنەوە.
د. شلێر فایەق، پسپۆڕی نەخۆشییەکانی خانمان و منداڵبوون و بەڕێوەبەری نەخۆشخانەی فێرکاریی خانمان و منداڵبوونی سلێمانی دەڵێت: زۆربوونی رێژەی نەزۆکی پەیوەندیی بە ژینگە و شێوازی ژیانەوە هەیە و ئەگەر شێوازی ژیان ناتەندروست بێت ئەوا ئەگەری نەزۆکبوون زیاددەکات.
ئەو پسپۆڕە وەکو بەڕێوەبەری نەخۆشخانەی فێرکاریی خانمان و منداڵبوونی سلێمانی تایبەت بە رووداو دەڵێت: ''ساڵانە نزیکەی 800 بۆ هەزار منداڵبوون لە نەخۆشخانەکە کەمدەبێتەوە''.
لە بەشێکی قسەکانیدا پسپۆڕەکەی خانمان دەڵێت: ''ئێستا خانمان دەتوانن 5 بۆ 10 منداڵیان ببێت و زۆر ئاساییە، بەڵام شێوازی بیرکردنەوەیان وایکردووە کە وەچەی کەم بخەنەوە''.
د. شلێر فایەق ئاماژە بە زیادبوونی لەبارچوونی منداڵ دەکات و دەڵێت: ژینگە و شێوازی دروستبوونی جەستەی خانمەکە هۆکارن بۆ لەبارچوونەکە و ئەم هۆکارانەش باسدەکات؛
- خراپیی شێوازیی ژیان
- بچووکیی تەمەنی خانمان کە دووگیاندەبن
- پیسبوونی هەوا
- کەمیی جووڵە
- خواردنی خۆراکی ناتەندروست
د. شلێر فایەق هۆشداری دەداتە خانمانی دووگیان لەبارەی بەکارهێنانی جۆرێک دەرزی لەماوەی دووگیانیدا و دەڵێت: ''بەکارهێنانی دەرزیی مەیینی خوێن مەرجی تایبەتی هەیە بۆ خانمانی دووگیان و نابێت بە پێشنیازی خانمەکە بەکاربهێندرێت و زۆر لە پزیشک بکرێت کە دەرزییەکە بنووسێت، چونکە ئەگەری لەبارچوون زیاددەکات''.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ