هەڵەیەک روویدا! دووبارە هەوڵبدە
تەندروستی
د. ئیبراهیم تاهیر رەباتی، پسپۆڕی تەندروستیی کۆمەڵ - بەشی خۆراک لەگەڵ دکتۆر هونەر رێبوار، پێشکێشکاری پۆدکاستەکە
رووداو - تەندروستی
پسپۆڕێکی تەندروستیی کۆمەڵ - بەشی خۆراک پێشنیازدەکات، دوای رەمەزانیش هاونیشتمانییان بەردەوامبن لە خواردنی دوو ژەمی سەرەکی؛ رێگەی جێبەجێکردنی ئەوەش رووندەکاتەوە.
د. ئیبراهیم تاهیر رەباتی، پسپۆڕی تەندروستیی کۆمەڵ - بەشی خۆراک میوانی پۆدکاستەکەیە و دەڵێت: ژەمی بەیانیان لە کاژێر 7 بخورێت و لە کاژێر 4ـی ئێوارەش ژەمێکی دیکە بخورێت، لەنێوان ئەو ژەمانەش چا، قاوە و میوە مزرەمەنییەکان بخورێن و بخورێنەوە ئاسایین.
ئەو پسپۆڕە روونی دەکاتەوە، ئەگەر کەسێک رۆژانە سێ ژەم بخوات، ئەوا باشترە لەنێوان ژەمەکان خۆراکی پڕ لە کالۆری و شیرینییەکان نەخوات کە هۆکارن بۆ قەڵەوی.
بەگوێرەی د. ئیبراهیم، نابێت ژەمی بەیانییان دوابکەوێت، چونکە فەرمانی هۆرمۆنەکانی جەستە لە بەیانیاندا باشترن و جەستە سوود لە خۆراکەکان دەبینێت، دەشبێت نێوان ژەمی بەیانی و نیوەڕۆ 5 کاژێر و نیوەڕۆ بۆ ئێوارە 5 بۆ 4 کاژێر بێت.
رەباتی دەڵێت: برسیت نەبوو، پێویست ناکات خۆراک بخۆیت، چونکە شەکری زیاد لەنێو خوێندا کۆدەبێتەوە و پەستانی زۆر دەکەوێتە سەر کۆئەندامی هەرس کە سەرەنجام بەرگریی ئەنسۆلینی لێدروستدەبێت کە هۆکارێکی شەکرەیە.
لەبەر ئەم هۆکارەیە، پێی باشە کە هەر ژەمێکی خۆراکی، 5 کاژێر لەنێوانیان هەبێت، بۆ ئەوەی کەسەکە برسی ببێتەوە و دیسانەوە جەخت لە خواردنی دوو ژەم دەکاتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ