رووداو - تەندروستی
توێژینەوەیەکی زانکۆی کالیفۆرنیا دەریدەخات، بەکارهێنانی ئامێرە ئەلکترۆنییەکان و مۆبایل پێشخەوتن وادەکات خەوێکی قوڵت نەبێت.
توێژینەوەکە بە بەشداری زیاتر لە نۆ هەزار کەس کراوە و دەرکەوتووە ئەوانەی بەکەمتر لە کاژێرێک پێشخەوتن شاشە بەکاردێنن ناتوانن خەوێكی رێکیان هەبێت.
دکتۆر جاسۆن ناگاتا، سەرپەرشتیاری توێژینەوەکە دەڵێت، ''زۆرینەی گەنجان لە ئێستادا لەگەڵ هەر بەئاگاهاتنەوەیەک راستەوخۆ موبایلەکانیان دەپشکنن و سۆشیال میدیا بەکاردەهێنن ئەمەش کاردەکاتە سەر کوالێتیی خەو و کەمتر سوودی دەبێت''.
دکتۆر جاسۆن ناگاتا، ئامۆژگاری هاوڵاتییان دەکات لانیکەم کاژێرێک پێشئەوەی بخەون، موبایل و ئامێرە زیرەکەکان لەخۆیان دووربخەنەوە و دایبخەن.
بە گوێرەی ئەم توێژینەوەیە، زۆربەی کەسانی پێگەیشتوو پێویستیان بە 7 بۆ 9 کاژێر خەوتن هەیە و خەوتنی رێکی شەوانە کاریگەری دژە ئۆکسێنەری هەیە کە مەترسی تووشبوون بە هەوکردن، شێرپەنجە و نەخۆشییەکانی دڵ کەمدەکاتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ