دەزگای خۆراک و دەرمان لە ئوردن بۆ رووداو: پڕۆگرامی تایبەتمان بۆ رێکخستنی نرخی دەرمان هەیە

 

د. رەنا مەلکاوی، بەڕێوەبەری بەشی دەرمان لە دەزگای خۆراک و دەرمان لە ئوردن لە هەڤپەیڤینێکدا لەگەڵ هۆرڤان رەفعەت، نێردراوی رووداو بۆ دووبەی گوتی، سەرجەم رێکارەکانی مامەڵەکردن بە دەرمان لەلایەن JFDA رێکخراون و لە ئوردن یەک دەزگای نیشتمانیی دەرمان کۆنتڕۆڵی نرخ و کوالێتیی دەرمان دەکات.

 

د. رەنا مەلکاوی دەڵێت: ''پڕۆگرامی تایبەتمان بۆ رێکخستنی نرخی دەرمان لە ئوردن هەیە، بەجۆرێک دوو نرخی جیاواز بۆ هەمان دەرمان دادەنێین، بەجۆرێک نرخی دەرمان بۆ هاووڵاتییانی ئوردن جیاوازە لە نرخی هەمان دەرمان بۆ هەناردەکردن''.

 

دەقی هەڤپەیڤینی رووداو لەگەڵ د. رەنا مەلکاوی، بەڕێوەبەری بەشی دەرمان لە دەزگای خۆراک و دەرمان لە ئوردن؛

 

 

د. رەنا مەلکاوی: بایەخی ئەم کۆنفرانسە بۆ ئێمە ئەوەیە کە هەلی زیاترمان پێدەدات بۆ بەرهەمهێنەرانی دەرمان، بۆ بینینی بەرهەمی نوێ لە کەرتی پیشەسازیی پزیشکی و پیشەسازیی دروستکردن و پێچانەوە کە ئێستا بەردەوامە، یەکێک لەو شتانەی تێبینیم کرد، ئامێری تەکنەلۆژیای نوێ هەن کە ئامادەن بۆ کارکردن و دەستپێکردنی پیشەسازیی دروستکردن و پێچانەوە کە ئامادەیە بۆ هەر کۆمپانیایەکی پیشەسازی بۆ دەستخستنی بەرهەمهێنان لە بواری شێرپەنجەزانی، بەرهەمی رەق و دەرزی، بەجۆرێک کە بهێندرێن بۆ ئوردن یاخود هەر شوێنێکی دیکە تا دەست بە بەرهەمهێنان بکەن.

 

 

د. رەنا مەلکاوی: ئێمە گەیشتووین بەمە، چونکە ئێمە لەنێو یەکەمین دەسەڵاتی رێکخستن بووین کە لە رۆژهەڵاتی نێوەڕاست دامەزرا، ئێمە لە ژێر چەتری وەزارەتیی تەندروستی بووین تا ساڵی 2003، پاشان دەزگای خۆراک و دەرمان لە ئوردن دامەزرا کە ئەوە تاکە دەزگای رێکخستنی فەرمیی بەرپرسیارە بۆ رێکخستنی سەلامەتی، کاریگەری و کوالێتیی بەرهەمی دەرمانی، خۆراکی، جوانکاری و هەندێک ئامێری پزیشکی، بۆیە ئەمە نایابی دەدات لە چۆنیەتیی کۆنتڕۆڵکردنی بەرهەمە دەرمان و خۆراکییەکان لە ئوردن لەلایەن تەنیا یەک دەزگای فەرمی، نەک دابەشبکرێت بەسەر دامەزراوە حکومییەکانی دیکە، بۆیە ئەمە دەسەڵاتی پێداین رێنمایی دروستبکەین و هەموو یاساکان لەژێر چەتری دەزگای خۆراک و دەرمان لە ئوردن کۆنتڕۆڵ بکەین.

 

 

د. رەنا مەلکاوی: کۆنتڕۆڵکردنی کوالێتی، سەلامەتی، نرخ و کاریگەریی بەرهەمی دەرمانی لەنێو ئەرک و کارەکانمانە لە JFDA، ئەوەی ئێمە دەیکەین ئەوەیە کە رێنماییەکانمان پشت بە رێنماییە نێودەوڵەتییەکان دەبەستن کە بۆ رێکخستنی بەرهەمە دەرمانییەکان بەکاردێن، بۆیە ئێمە پەیڕەوی رێنماییە نێودەوڵەتییەکان دەکەین بۆ دڵنیابوونەوە لە پێکهاتەی بەرهەمە تۆمارکراوەکان بۆ دڵنیابوونەوە لە کاریگەری، سەلامەتی و کوالێتیی بەرهەمەکان، هەروەها سەبارەت بە نرخدانان، ئێمە پلانێکی نرخدانانمان هەیە کە گونجاوترین نرخمان پێدەدات و ئێمە نرخەکان کۆنتڕۆڵ دەکەین کاتێک دەچنە بازاڕ، چونکە پشکنینمان هەیە لە نێو دەرمانخانە و فرۆشگە پزیشکییەکان بۆ دڵنیابوونەوە لەو نرخانەی کە لەسەر ماڵپەڕی JFDA هەن بەراورد بە نرخی ئەو بەرهامانەی لەنێو رەفەکاندا هەن لە دەرمانخانەکان.

 

 

د. رەنا مەلکاوی: ئێستا نرخی دەرمانەکە بەندە بە چۆنیەتیی پەرەپێدانی بەرهەمەکە، ئەگەر پەرەپێدانی بەرهەمێکی نوێیە یاخود ئەگەر بڕی مادە کیمیاییەکانی نوێ بێت یان APIیەکی نوێی هەبێت، ئەوا بێگومان نرخەکەی بەرزدەبێت، بەڵام ئەوەی هەوڵدەدەین بیکەین ئەوەیە کە هەندێک چارەسەر بۆ ئەو بەرهەمانەش بدۆزینەوە کە تەنانەت نرخەکانیشیان بەرزە، بۆ ئەوەی لە ئوردن بە نرخێکی گونجاو بدرێن بە خەڵک، ئەمەش لەڕێگەی هەندێک لە پڕۆگرامەکانی دەستڕاگەیشتن بە نەخۆشەوەیە کە ئێمە هەمانە، پڕۆگرامی دەستڕاگەیشتن بە نەخۆش رێگەمان پێدەدات دوو نرخ بدەین بە بەرهەمەکە، یەکێکیان نرخ بۆ خەڵک لە ئوردن، نرخەکەی دیکەش بۆ هەناردەکردنە بۆ مەبەستی تۆمارکردن، بۆیە ئەمە یەکێکە لەو ستراتیژیانەی کە دەیکەین بۆ ئەوەی هەوڵبدەین کڕینی ئەم بەرهەمە لە ئوردن بە نرخێکی گونجاو بێت.

 

 

د. رەنا مەلکاوی: زۆر سوپاس بۆ ئەم دەرفەتە.