رووداو - تەندروستی
توێژەران لە سویسرا توانیویانە بە بەکارهێنانی خانەی کرکڕاگەی گوێی مرۆڤ و پرینتەری 3D، گوێیەک دروست بکەن کە لە رووی شێوە و رەقییەوە زۆر لە گوێی سرووشتی نزیکە.
تیمێکی توێژەران لە زانکۆی ETH، پەیمانگای فریدریش میشەر و نەخۆشخانەی کانتۆنی لوسێرن لە سویسڕا، کرکڕاگەی گوێیان لە تاقیگەدا بەرهەمهێناوە کە تایبەتمەندیی میکانیکی هاوشێوەی شانەی سرووشتی هەیە، گوێیە دروستکراوەکە تاقیکراوەتەوە و دوای 6 هەفتە شێوە و رەقیی خۆی پاراستووە.
د. فیلیپ فیش سەرپەرشتیاری سەرەکیی توێژینەوەکە دەڵێت " لەگەڵ ئەم سەرکەوتنەشدا هێشتا بەربەستێک ماوە، ئەویش پرۆتینی "ئیلاستین"ە کە بەرپرسە لە نەرمی و کشانی گوێ، هێشتا نەیانتوانیوە ئەم پڕۆتینە بە تەواوی بەرهەم بهێنین."
د. فیلیپ فیش ئاماژە بەوەدەکات " ئەگەر هەموو شتێک بەباشی بڕوات، لە ماوەی 5 ساڵی داهاتوودا دەتوانن نهێنیی پڕۆتینی ئیلاستین بدۆزنەوە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ