رووداو - تەندروستی
هەموومان بەبێ گوێدانە تەمەنمان پێویستیمان بە دایکمانە. کاتێک تووشی دڵەڕاوکێ و گوشاری دەروونی دەبین، زۆرجار یەکەم کەس کە بیری لێدەکەینەوە و پەیوەندیی پێوە دەکەین، دایکمانە.
ئینجا توێژینەوەیەک هەیە لە ئەمریکا دەریدەخات، قسەکردن لەگەڵ دایک لەڕێگەی تەلەفۆنەوە هەمان کاریگەریی باوەشێکی هەیە لەگەڵیدا بۆ کەمکردنەوەی گوشاری دەروونی.
توێژینەوەکە لە زانکۆی ویسکۆنسن مادیسن لە ئەمریکا کرا و دەریدەخات، دەنگی دایک هۆرمۆنی ئۆکسیتۆسین کە هۆرمۆنی خۆشەویستییە زیاد دەکات و هۆرمۆنی کۆرتیزۆڵ کە هۆرمۆنی گوشارە کەم دەکاتەوە. هەر بۆیە گوێگرتن لە دەنگی دایک لەڕێگەی تەلەفۆنەوە دەتوانێت هەمان ئارامیی دەروونی ببەخشێت کە لە باوەشێکدا هەستی پێدەکەیت.
لێسلی سێڵت زەر، سەرپەرشتیاری توێژینەوەکە دەڵێت: قسەکردن لەگەڵ دایک، رووبەڕوو بێت یان لەڕێگەی تەلەفۆنەوە، کاریگەرییەکی بەرچاوی لەسەر کەمکردنەوەی گوشاری دەروونی هەیە و دەشڵێت: نهێنییەکە لە هێزی دەنگی دەیکدایە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ