رووداو دیجیتاڵ
لە گۆماوێکی ناحیەی گوێڕ، خوشک و برایەک خنکان. کچەکە تەمەنی 7 ساڵ و کوڕەکەش 5 ساڵانە.
گوێڕ لە رووی جوگرافییەوە دەکەوێتە باشووری رۆژئاوای شاری ھەولێر و نزیکەی 40 کم لێیەوە دوورە.
بەگوێرەی زانیارییەکانی تۆڕی میدیایی رووداو، رووداوەکە ئەمڕۆ هەینی بووە، دوو منداڵەکە لەنێو گۆماوێکدا خنکاون کە حەفارە هەڵیکەندووە، کچەکە ناوی سایە رێباز موحسنە و براکەشی ناوی محەممەدە.
هەر بەگوێرەی زانیارییەکانی رووداو، سایە و محەممەد دانیشتووی گەڕەکی کارێزانن لە شاری هەولێر و لەگەڵ خێزانەکەیان بە مەبەستی گەشت و سەیران چوونەتە ناوچەکە.
تاوەکو ئەمڕۆ ئاماری رووداوەکانی خنکان لە ساڵی رابردوودا بڵاونەکراوەتەوە، بەڵام 2022 لە هەرێمی کوردستان 104 کەس بەهۆی رووداوی جیاوە لە ئاودا خنکابوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ